అయితే పవన్ కళ్యాణ్ తాజాగా ఇండస్ట్రీపై ఆగ్రహం వ్యక్తం చేయగా ఈ వ్యవహారంలో ఎక్కువమంది దిల్ రాజు, ఆయన సోదరుడు శిరీష్ మద్దతు వల్లే వివాదం చినికి చినికి గాలివానలా మారిందని నమ్ముతున్నారు. దిల్ రాజు కావాలని చేయకపోయినా ఈ వివాదం విషయంలో ఆయన పాత్ర ఉందని చెప్పడంలో ఎలాంటి సందేహం అయితే అవసరం లేదని కామెంట్లు వ్యక్తమవుతున్నాయి.
అయితే దిల్ రాజుతో కలిసి ఉంటే తమకు కూడా నష్టమని భావించిన గిల్డ్ లోని మిగతా నిర్మాతలు దిల్ రాజుకు భారీ షాకిచ్చే దిశగా అడుగులు వేస్తున్నారని ఇండస్ట్రీ వర్గాల టాక్. గిల్డ్ లో దిల్ రాజు ఒంటరి కావడం పక్కా అని యాక్టివ్ గా ఉన్న ఇతర నిర్మాతలు అంతా మరోవైపు ఉన్నారని కామెంట్లు వినిపిస్తున్నాయి. వాస్తవానికి ఈ రెంట్ల వ్యవహారం చర్చకు రావడం ఇదే తొలిసారి కాదు.
వీరసింహారెడ్డి, వాల్తేరు వీరయ్య సినిమాలు ఒకేసారి రిలీజ్ అవుతున్న సమయంలో సైతం నైజాంలో రెంట్లు పెంచాలనే వాదన జరిగింది. మైత్రీ మూవీ మేకర్స్ నిర్మాతలే టార్గెట్ గా వేర్వేరు సందర్భాల్లో కుట్రలు జరుగుతున్నాయని కామెంట్లు వినిపిస్తున్నాయి. ఈ ప్రచారంలో సైతం నిజానిజాలు తేలాల్సి ఉంది. పవన్ కళ్యాణ్ ఎంట్రీతో పొలిటికల్, సినీ లెక్కలు పూర్తిస్థాయిలో మారిపోయాయని చెప్పవచ్చు. పవన్, దిల్ రాజు మధ్య కూడా గ్యాప్ పెరిగినట్టేనని ఇండస్ట్రీ వర్గాల టాక్.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి