తెలుగు ప్రేక్షకులకు తొలి భాగం ఆలస్యంగా వచ్చినా నలభై కోట్లకు పైగా గ్రాస్‌ను రాబట్టింది. అప్పట్లో చిన్న సినిమా అని తక్కువగా చూసినవారు, ఇప్పుడు కాంతార సీక్వెల్ ముందు ఆలోచించకుండా ఉండలేరు. ఈ సారి తెలుగులోనూ భారీ హైప్ ఉంది. మొదటి భాగంలో లింబా పాత్రను పోషించిన రిషబ్ శెట్టి, చాప్టర్ 1లో యాక్షన్, ఎమోషన్, మిస్టిక్ కలయికగా ప్రేక్షకుల మనసు దోచేలా కథను నడిపించబోతున్నాడు. ఈ చిత్రం అక్టోబర్ 2న ప్రపంచవ్యాప్తంగా విడుదల కాబోతుండగా, టాలీవుడ్ నిర్మాతలు ఆ వారం కొత్త సినిమాల్ని రిలీజ్ చేయడాన్ని ఆపేస్తున్నారు. ఎందుకంటే అదే వారం ముందు పవన్ కళ్యాణ్ OG, బాలకృష్ణ అఖండ 2 వంటి భారీ సినిమాలు విడుదల కానున్నాయి. అలాగే అక్టోబర్ 1న ధనుష్ ఇడ్లీ కడాయ్ రిలీజ్ ఉండగా, కాంతారకు ఓపెన్ గ్రౌండ్ లభిస్తుంది. దీనితో ఏపీ, తెలంగాణలో హోంబాలే ఫిలిమ్స్‌ డిస్ట్రిబ్యూషన్ నెట్‌వర్క్ వల్ల సినిమాకు మంచి స్థాయిలో థియేటర్లు దక్కే అవకాశం ఉంది.
ఇప్పటికే సినిమా అన్ని భాషలలో కలిపి రూ. 200 కోట్లకు పైగా బిజినెస్ చేసినట్లు ట్రేడ్ వర్గాలు అంచనా వేస్తున్నాయి. ఈ సారి కేవలం కంఫ్యూజన్ లేని కథతో కాకుండా, అద్భుతమైన విజువల్స్, బలమైన కథా నిర్మాణం, అగ్ర స్థాయి టెక్నికల్ టీమ్‌తో రిషబ్ శెట్టి మరోసారి భారతీయ సినిమాకు కొత్త స్థాయిని తీసుకురాబోతున్నాడు. ఇక మేకింగ్ వీడియోలో కనిపించిన రా, రియలిస్టిక్ విజన్ సినిమాపై అంచనాలను మరింత పెంచేసింది. తక్కువ బడ్జెట్‌లో గొప్ప కంటెంట్ ఇచ్చిన మొదటి భాగం తర్వాత, భారీ స్థాయిలో మలిచిన ఈ రెండో భాగం పాన్ ఇండియా సక్సెస్‌ను కొత్త నిర్వచనంగా నిలిపే ఛాన్స్ ఉందని సినీ విశ్లేషకులు చెబుతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి