టాలీవుడ్ యువ నటుడు తేజ సజ్జ ప్రస్తుతం కార్తీక్ ఘట్టమనేని దర్శకత్వంలో రూపొందుతున్న మిరాయ్ అనే సినిమాలో హీరో గా నటిస్తున్న విషయం మన అందరికీ తెలిసిందే. ప్రస్తుతం ఈ సినిమా షూటింగ్ శర వేగంగా జరుగుతుంది. ఈ మూవీ ని ఈ సంవత్సరం సెప్టెంబర్ 5 వ తేదీన విడుదల చేయనున్నట్లు ఈ మూవీ బృందం వారు కొంత కాలం క్రితమే  అధికారికంగా ప్రకటించారు. తేజ ఆఖరుగా హనుమాన్ అనే సినిమాతో ప్రేక్షకులను పలకరించాడు. ఈ సినిమా పాన్ ఇండియా మూవీ గా విడుదల అయ్యి అద్భుతమైన విజయాన్ని సొంతం చేసుకుంది.

ఈ సినిమాతో తేజ కు ఇండియా వ్యాప్తంగా మంచి గుర్తింపు వచ్చింది. హనుమాన్ లాంటి భారీ విజయం తర్వాత తేజ నటిస్తున్న సినిమా కావడంతో మిరాయ్ మూవీ పై ప్రేక్షకుల్లో మంచి అంచనాలు ఉన్నాయి. ఈ మూవీ బృందం వారు ప్రస్తుతం ఈ సినిమాకు సంబంధించిన అన్ని ఏరియాల థియేటర్ హక్కులను అమ్మి వేస్తూ వస్తున్నట్లు తెలుస్తోంది. అందులో భాగంగా తాజాగా ఈ మూవీ బృందం వారు ఈ సినిమాకు సంబంధించిన హిందీ యొక్క థియేటర్ హక్కులను అమ్మి వేశారు. తాజాగా అందుకు సంబంధించిన అధికారిక ప్రకటనను కూడా విడుదల చేశారు. 

ఈ మూవీ యొక్క హిందీ హక్కులను ధర్మ ప్రొడక్షన్స్ సంస్థ దక్కించుకుంది. హిందీ సినీ పరిశ్రమలో ధర్మ ప్రొడక్షన్స్ సంస్థకు మంచి గుర్తింపు ఉంది. దానితో మిరాయ్ సినిమా యొక్క హిందీ హక్కులను ధర్మ ప్రొడక్షన్స్ సంస్థ వారు దక్కించుకోవడంతో ఈ మూవీ హిందీ లో అద్భుతమైన రీతిలో విడుదల అయ్యే అవకాశాలు ఉన్నాయి అని , ఈ సినిమాకు హిందీ ఏరియాలో మంచి టాక్ గనుక వస్తే ఈ సినిమాకు హిందీ ఏరియా నుండి భారీ కలెక్షన్లు దక్కే ఛాన్సెస్ కూడా ఉన్నాయి అని చాలా మంది అభిప్రాయ పడుతున్నారు. మరి హనుమాన్ లాంటి భారీ విజయం తర్వాత మిరాయ్ సినిమాతో తేజ ఏ రేంజ్ విజయాన్ని సొంతం చేసుకుంటాడు చూడాలి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

15/08/2025 10:05 AM