ఐకాన్ స్టార్ అల్లు అర్జున్ వరుసగా పుష్ప పార్ట్ 1 , పుష్ప పార్ట్ 2 మూవీలతో అదిరిపోయే రేంజ్ బ్లాక్ బస్టర్ విజయాలను సొంతం చేసుకొని ఇండియా వ్యాప్తంగా సూపర్ సాలిడ్ క్రేజ్ ను అందుకున్నాడు. ప్రస్తుతం బన్నీ కోలీవుడ్ స్టార్ డైరెక్టర్లలో ఒకరు అయినటువంటి అట్లీ దర్శకత్వంలో రూపొందుతున్న సినిమాలో హీరోగా నటిస్తున్నాడు. ఈ మూవీ లో దీపికా పదుకొనే హీరోయిన్గా నటిస్తోంది.  ఇప్పటికే ఈ సినిమాకు సంబంధించి కొన్ని ప్రమోషనల్ వీడియోలను మేకర్స్ విడుదల చేయగా అవి ప్రేక్షకులను బాగా ఆకట్టుకున్నాయి. ఆ ప్రమోషనల్ వీడియోల ద్వారా ఈ సినిమా అత్యంత భారీ బడ్జెట్ గ్రాఫిక్స్ సినిమాగా తెలిసిపోతుంది. తాజాగా ఈ మూవీ కి సంబంధించిన ఓ క్రేజీ న్యూస్ సోషల్ మీడియాలో వైరల్ అవుతుంది.

అసలు విషయం లోకి వెళితే ... బన్నీ హీరో గా అట్లీ దర్శకత్వంలో రూపొందబోయే సినిమాలో రమ్యకృష్ణ నటించబోతున్నట్లు తెలుస్తోంది. రమ్యకృష్ణ ఈ సినిమాలో అత్యంత కీలకమైన పాత్రలో కనిపించబోతున్నట్లు వార్తలు వస్తున్నాయి. ఇప్పటికే ఈ మూవీ బృందం వారు ఈ సినిమాలో కీలకమైన పాత్ర కోసం రమ్యకృష్ణను సంప్రదించగా ఆమె కూడా ఈ మూవీ లో నటించడానికి గ్రీన్ సిగ్నల్ ఇచ్చినట్లు , అందుకు సంబంధించిన అధికారిక ప్రకటనను మరికొన్ని రోజుల్లోనే ఈ మూవీ బృందం వారు విడుదల చేయనున్నట్లు ఓ వార్త వైరల్ అవుతుంది.

రమ్యకృష్ణ కొన్ని సంవత్సరాల క్రితం ప్రభాస్ హీరోగా అనుష్క , తమన్నా హీరోయిన్లుగా ఎస్ ఎస్ రాజమౌళి దర్శకత్వంలో రూపొందిన బాహుబలి సినిమాలో కీలకమైన పాత్రలో నటించింది. ఈ మూవీ అద్భుతమైన విజయం సాధించడంతో రమ్యకృష్ణకు ఈ మూవీ ద్వారా ఇండియా వ్యాప్తంగా గొప్ప గుర్తింపు వచ్చింది. ఇకపోతే దర్శకుడు అట్లీ ఆఖరుగా షారుక్ ఖాన్ హీరోగా రూపొందిన జవాన్ మూవీకి దర్శకత్వం వహించి అద్భుతమైన విజయాన్ని సొంతం చేసుకున్నాడు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

bunny

Pulgam Srinivas

17/08/2025 08:38 AM