పవర్ స్టార్ పవన్ కళ్యాణ్ కొంత కాలం క్రితమే హరిహర వీరమల్లు అనే సినిమాతో ప్రేక్షకుల ముందుకు వచ్చాడు. పవన్ కళ్యాణ్ నటించిన సినిమా చాలా కాలం గ్యాప్ తర్వాత విడుదల కావడం , పవన్ చాలా కాలం గ్యాప్ తర్వాత ఒరిజినల్ కథతో రూపొందిన సినిమాలో నటించడంతో హరిహర వీరమల్లు సినిమాపై ఆయన అభిమానులు మంచి అంచనాలు పెట్టుకున్నారు. అలా మంచి అంచనాల నడుమ ప్రపంచ వ్యాప్తంగా భారీ ఎత్తున విడుదల అయిన ఈ సినిమాకు విడుదల అయిన మొదటి రోజు మొదటి షో కే నెగటివ్ టాక్ వచ్చింది. దానితో ఈ సినిమా బాక్సా ఫీస్ దగ్గర పెద్ద స్థాయి కలెక్షన్లను వసూలు చేయలేకపోయింది. చివరగా ఈ సినిమా బాక్స్ ఆఫీస్ దగ్గర బోల్తా పడింది.

పవన్ అభిమానులతో పాటు మామూలు ప్రేక్షకులు కూడా పవన్ నటిస్తున్న సినిమాల్లో భారీ అంచనాలు పెట్టుకున్నది ఓజి మూవీపై. ఈ మూవీలో ప్రియాంక అరుల్ మోహన్ హీరోయిన్గా నటిస్తూ ఉండగా ... సుజిత్ ఈ సినిమాకు దర్శకత్వం వహిస్తున్నాడు. ఈ సినిమాను సెప్టెంబర్ 25 వ తేదీన విడుదల చేయనున్నట్లు మేకర్స్ ఇప్పటికే అధికారికంగా ప్రకటించారు. ఈ సినిమా విడుదల తేదీ దగ్గర పడడంతో ఈ మూవీ బృందం వారు ఈ సినిమాకు సంబంధించిన పాటలను విడుదల చేస్తూ వస్తున్నారు. అందులో భాగంగా ఇప్పటికే ఈ సినిమా నుండి మేకర్స్ రెండు పాటలను విడుదల చేశారు.

ఈ మూవీ బృందం వారు ఈ సినిమా యొక్క రన్ టైమ్ ను తాజాగా లాక్ చేసినట్లు తెలుస్తోంది. ప్రస్తుతం అందుతున్న సమాచారం ప్రకారం ఈ సినిమాను దాదాపు 2 గంటల 45 నిమిషాల నిడివితో ప్రేక్షకుల ముందుకు తీసుకు రాబోతున్నట్లు తెలుస్తుంది. 2 గంటల 45 నిమిషాల నిడివి అనేది స్టార్ హీరోల మూవీలకు ఎక్కువ ఏమీ కాదు ... మరి తక్కువ ఏమీ కాదు. కానీ 2 గంటల 45 నిమిషాల సినిమా అంటే కచ్చితంగా మంచి గ్రిప్పింగ్ స్క్రీన్ ప్లే తో ఉండాలి. అలా కాకుండా సినిమా ఎక్కడ ఏ కాస్త బోర్ కొట్టిన అది మూవీ కి మైనస్ అయ్యే అవకాశం ఉంది అని చాలా మంది అభిప్రాయ పడుతున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

pk

Pulgam Srinivas

28/08/2025 09:59 AM