ചൈന ഒരുങ്ങുന്നത് ഒരു യുദ്ധത്തിന് വേണ്ടി; അധികകാലം വിവരങ്ങൾ മറച്ചുവെക്കാനാകില്ലെന്ന് രാഹുൽ ഗാന്ധി! അതിർത്തിയിൽ ചൈന നടത്തുന്നത് യുദ്ധത്തിനുള്ള മുന്നൊരുക്കമാണെന്നും എന്നാൽ കേന്ദ്രസർക്കാർ ഉറങ്ങുകയാണെന്നും രാഹുൽ ഗാന്ധി ആരോപിച്ചു. ഭാരത് ജോഡോ യാത്രയ്ക്കിടെ രാജസ്ഥാനിൽ വെച്ചായിരുന്നു അദ്ദേഹത്തിൻ്റെ പരാമർശം.ലഡാഖ് അതിർത്തിസംഘർഷത്തിൻ്റെ പശ്ചാത്തലത്തിൽ കേന്ദ്രസർക്കാരിൻ്റെ കടന്നാക്രമിച്ച് കോൺഗ്രസ് നേതാവ് രാഹുൽ ഗാന്ധി.നിലവിലെ സാഹചര്യം വിലയിരുത്തുമ്പോൾ ചൈന അതിർത്തിയിൽ നടത്തുന്നത് കേവലം കയ്യേറ്റമല്ലെന്നും അവർ യുദ്ധത്തിന് ഒരുങ്ങുകയാണെന്നും രാഹുൽ ഗാന്ധി ചൂണ്ടിക്കാട്ടി. ഒൻപതാം തീയതി അരുണാചൽ പ്രദേശിലെ തവാങിൽ ഇരുഭാഗത്തെയും സൈനികർ തമ്മിലുണ്ടായ ഏറ്റുമുട്ടൽ ചൂണ്ടിക്കാട്ടിയായിരുന്നു രാഹുലിൻ്റെ വാക്കുകൾ. സംഘർഷത്തിൽ ഇരുരാജ്യങ്ങളുടെയും സൈനികർക്ക് പരിക്കേറ്റെന്നും ഇന്ത്യൻ സൈനികർക്ക് ആർക്കും ജീവൻ നഷ്ടപ്പെട്ടിട്ടില്ലെന്നുമാണ് സൈനികവൃത്തങ്ങളെ ഉദ്ധരിച്ചുള്ള റിപ്പോർട്ടുകൾ.
പാർലമെൻ്റിൽ പ്രതിപക്ഷം കേന്ദ്രത്തിനെതിരെ ഉയർത്തിയ ആക്രമണം ആവർത്തിക്കുകയായിരുന്നു കോൺഗ്രസ് മുൻ അധ്യക്ഷൻ. അധികകാലം വിവരങ്ങൾ മറച്ചുവെക്കാനാകില്ലെന്ന് രാഹുൽ ഗാന്ധി ചൂണ്ടിക്കാട്ടി. ചൈനയെ സൂക്ഷിക്കണമെന്ന് താൻ സർക്കാരിന് മുൻപും മുന്നറിയിപ്പ് നൽകിയിട്ടുണ്ടെന്ന കാര്യം രാഹുൽ ഓർമിപ്പിച്ചു. "ചൈനയുടെ രീതി നോക്കുക, അവർ ലഡാഖിലും അരുണാചൽ പ്രദേശിലും മുന്നൊരുക്കങ്ങൾ നടത്തുകയാണ്. പക്ഷെ ഇന്ത്യൻ സർക്കാർ ഉറങ്ങുകയാണ്." രാ അതേസസമയം, കേന്ദ്രസർക്കാർ വിവരങ്ങൾ മറച്ചു വെക്കാനുള്ള ശ്രമമാണ് നടത്തുന്നത് എന്നാണ് രാഹുൽ ഗാന്ധിയുടെ ആരോപണം. രണ്ട് വർഷം മുൻപ് ലഡാഖിലെ ഗാൽവൻ താഴ്വരയിൽ ഉണ്ടായ സംഘർഷം മേഖലയിലെ സ്ഥിതി വഷളാക്കിയിരുന്നു.
ഇരുസൈനികരും തമ്മിലുണ്ടായ ഏറ്റുമുട്ടലിൽ 20 ഇന്ത്യൻ സൈനികർക്ക് ജീവൻ നഷ്ടപ്പെടുകയും ചെയ്തു. ചൈനയ്ക്ക് ഉണ്ടായ നാശനഷ്ടങ്ങൾ ഔദ്യോഗികമായി സ്ഥിരീകരിക്കപ്പെട്ടിട്ടില്ല. ഇതിനു ശേഷം പ്രശ്നപരിഹാരത്തിനായി നയതന്ത്രതലത്തിലും സൈനികതലത്തിലും പലവട്ടം ചർച്ചകൾ നടത്തിയെങ്കിലും പൂർണപരിഹാരം കാണാനും കഴിഞ്ഞിട്ടില്ല. ഇതിനിടയിലാണ് അരുണാചൽ അതിർത്തിയിലെ പ്രശ്നം.തവാങിലെ യാങ്തീ സെക്ടറിൽ 300ഓളം വരുന്ന ചൈനീസ് സൈനികർ യഥാർത്ഥ നിയന്ത്രണരേഖ മറികടന്ന് നുഴഞ്ഞുകയറാൻ ശ്രമിക്കുകയായിരുന്നു എന്നാണ് വിവരം. മേഖലയിലെ 17,000 അടിയോളം ഉയരം വരുന്ന മലമേഖലയിൽ നിലയുറപ്പിക്കാനുള്ള ചൈനീസ് ട്രൂപ്പിൻ്റെ ശ്രമത്തെ ഇന്ത്യ പരാജയപ്പെടുത്തുകയായിരുന്നു എന്ന് സൈനികവൃത്തങ്ങൾ പറയുന്നു.
സംഘർഷത്തിനു തൊട്ടുപിന്നാലെ ഇരുവിഭാഗവും പിന്മാറുകയും ചെയ്തു.രാഹുൽ ഗാന്ധിയുടെ നേതൃത്വത്തിൽ നടത്തുന്ന യാത്ര നിലവിൽ രാജസ്ഥാനിലാണ്. വരുന്ന ലോക്സഭാ തെരഞ്ഞെടുപ്പിനു മുന്നോടിയായി പ്രതിപക്ഷത്തിൻ്റെ നേതൃസ്ഥാനം ഉറപ്പിക്കാനും ബിജെപിയെ ഭരണത്തിൽ നിന്ന് താഴെയിറക്കാനുമാണ് കോൺഗ്രസ് ലക്ഷ്യമിടുന്നത്. 17 ദിവസം കൊണ്ട് രാജസ്ഥാനിലടെ 500 കിലോമീറ്റർ യാത്ര ചെയ്യാനാണ് കോൺഗ്രസിൻ്റെ പദ്ധതി. രാഹുൽ ഗാന്ധിയ്ക്കു പുറമെ സംസ്ഥാനത്തെ പ്രമുഖ പാർട്ടി നേതാക്കളും പരിപാടിയിൽ പങ്കെടുക്കുന്നുണ്ട്.അതേസമയം, രാഷ്ട്രീയ ശക്തി വീണ്ടെടുക്കാനും രാജ്യവ്യാപകമായി സാന്നിധ്യം ശക്തിപ്പെടുത്താനുമായി ഭാരത് ജോഡോ യാത്രയുമായി മുന്നോട്ടു പോകുകയാണ് കോൺഗ്രസ്.
Find out more:
click and follow Indiaherald WhatsApp channel