ఈ నియోజకవర్గంలో మైనార్టీ ఓటర్లు అధికంగా ఉన్నారు. ముస్లిం వర్గాల్లో, ముఖ్యంగా యూత్‌లో, సల్మాన్ ఖాన్‌కు అపారమైన క్రేజ్ ఉంది. మైనార్టీ ఓటర్లను ప్రభావితం చేయడానికి రేవంత్ రెడ్డి ఈ పర్యటన పెట్టుకుని ఉంటారని రాజకీయ విశ్లేషకులు భావిస్తున్నారు. అయితే, సల్మాన్ ఖాన్ కాంగ్రెస్‌కు మద్దతు ప్రకటన చేయకపోయినా, కేవలం ఈ ఫోటో చాలని కాంగ్రెస్ నాయకులు భావిస్తున్నారేమో తెలియదు. కాంగ్రెస్ కంటే బీఆర్‌ఎస్ ప్రచారమే ఎక్కువ! .. ఈ అనూహ్య ఫోటోకు కాంగ్రెస్ నేతల కంటే బీఆర్‌ఎస్ (BRS) నేతలే ఎక్కువగా ప్రచారం కల్పిస్తున్నారు. రేవంత్ ఎందుకు కలిశారనే విషయంపై స్పష్టత లేకపోవడంతో, కాంగ్రెస్ క్యాడర్ ఈ ఫోటోను పోస్ట్ చేయడానికి సంశయిస్తోంది.
కానీ, బీఆర్‌ఎస్ నాయకులు మాత్రం దీనిని విమర్శనాస్త్రంగా మార్చుకున్నారు. "ఓ వైపు తెలంగాణ వరదలతో అల్లాడిపోతూంటే, రేవంత్ ముంబై వెళ్లి సల్మాన్‌ను కలిశారని" తీవ్రంగా ప్రచారం చేస్తున్నారు. అనుకోని సాయం! బీఆర్‌ఎస్ చేస్తున్న ఈ ప్రచారం, కాంగ్రెస్‌కు కావాల్సిందే అందిస్తున్నట్లయింది. ముఖ్యంగా మైనార్టీ ఓటర్లను ఆకట్టుకోవడానికే రేవంత్ ఈ ప్రయత్నం చేసి ఉంటే, ఆ ప్రయత్నానికి బీఆర్‌ఎస్ ఉచితంగా, గట్టిగా సహాయం చేస్తుందని అనుకోవాలి. ప్రభుత్వ పనులను పక్కనబెట్టి స్టార్‌ను కలవడానికి వెళ్లారనే విమర్శ ఒకవైపు ఉన్నప్పటికీ, జూబ్లీహిల్స్ ఉప ఎన్నికల్లో మైనార్టీలను లక్ష్యంగా చేసుకున్న రేవంత్ వ్యూహం ఫలితాన్ని ఈ బీఆర్‌ఎస్ ప్రచారమే అందిస్తోందని చెప్పవచ్చు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి