ముఖ్యంగా పాన్ ఇండియా చిత్రాలలో కూడా అవకాశాలు దక్కించుకున్న అనసూయ వరుస పెట్టి సినిమాలు చేస్తోంది. అంతేకాదు దాదాపుగా ఈమె నటించిన సినిమాలన్నీ కూడా మంచి విజయం సాధిస్తూ ఉంటే అవకాశాలు కూడా వెల్లువలా వచ్చి పడుతున్నాయి. ఇక సోషల్ మీడియాలో కూడా ఎప్పుడు యాక్టివ్ గా ఉండే అనసూయ తనకు తన ఫ్యామిలీకి సంబంధించిన ప్రతి విషయాన్ని షేర్ చేస్తూ ఉంటుంది. అలాగే ఒక్కోసారి నెటిజన్స్ ట్రోల్స్ కి కూడా గురవుతూ ఉంటుంది. ఇకపోతే ఈమెకు భారీ క్రేజ్ ఉన్న నేపథ్యంలో అప్పుడప్పుడు జువెలరీ షాప్ ఓపెనింగ్ కూడా వెళ్లే ఈ ముద్దుగుమ్మ ఈసారి కూడా నంద్యాలలో జరిగిన ఒక షాపింగ్ మాల్ ఓపెనింగ్ కి వెళ్ళింది.
అక్కడ షాపింగ్ మాల్ ఓపెనింగ్ తర్వాత ఏర్పాటుచేసిన స్టేజ్ పై డాన్స్ కూడా వేసింది. అనంతరం అభిమానులతో ముచ్చటించిన ఈమే కొంతమందితో సెల్ఫీలు కూడా దిగింది. ఇక మళ్ళీ షాప్ లోకి వెళ్లి అక్కడ ఏర్పాటు చేసిన చీరలను చూసి మురిసిపోయింది అనసూయ. అనంతరం బయటకు వచ్చిన తర్వాత కొంతమంది అభిమానులు ఆమెను జబర్దస్త్ నుంచి ఎందుకు వచ్చేశారు అంటూ ప్రశ్నించారు.. దానికి సమాధానంగా ఆమె మాట్లాడుతూ.. జబర్దస్త్ లో కామెడీగా, సినిమాలలో సీరియస్ క్యారెక్టర్లు చేసేసరికి కొంతమంది నన్ను చూసి కన్ఫ్యూజ్ అవుతున్నారు. ఇక ఆ కన్ఫ్యూజన్ ఉండకూడదని జబర్దస్త్ మానేశాను అని చెప్పింది. మొత్తానికి అయితే ఈమె చేసిన కామెంట్లు వైరల్ గా మారుతున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి