నువ్వుల నూనెలో చాలా పోషకాలు, ఔషధ గుణాలు దాగి ఉన్నాయి. నువ్వుల నూనె మన ఆరోగ్యానికి చాలా మేలు చేస్తుంది కూడా. ఆయుర్వేదంలో కూడా ఈ నువ్వుల నూనెనే  ఔషధంగా ఉపయోగిస్తూ ఉంటారు. అయితే ఇది కేవలం మన ఆరోగ్యానికే కాదు మన చర్మ సౌందర్యానికి కూడా  ఎంతగానో సహాయపడుతుంది. ఈ నువ్వుల నూనెను వాడడం వల్ల చర్మ సౌందర్యం మెరుగుపడడంతో పాటు చర్మ ఆరోగ్యం కూడా మెరుగుపడుతుంది. ఇంకా చర్మానికి సంబంధించిన సమస్యలు రాకుండా ఉంటాయి.ఈ నువ్వుల నూనెలో ఒమెగా 6 ఫ్యాటీ ఆమ్లాలు, యాంటీ ఆక్సిడెంట్లు, విటమిన్ బి, ఇ, క్యాల్షియం, మెగ్నీషియం, జింక్, ఐరన్, ఫాస్పరస్ వంటి ఎన్నో పోషకాలు ఉన్నాయి. నువ్వుల నూనెతో చర్మానికి మసాజ్ చేసుకోవడం వల్ల సూర్మ కిరణాల నుండి హానికరమైన యువి కిరణాల నుండి చర్మానికి హాని కలగకుండా ఉంటుంది. మన చర్మానికి రక్తప్రసరణ సక్రమంగా జరుగుతుంది.ఇంకా చర్మం నల్లగా మారకుండా ఉంటుంది. ఇంకా అంతేకాకుండా చర్మ క్యాన్సర్ వంటి సమస్యలు కూడా రాకుండా ఉంటాయి. ఇంకా అలాగే నువ్వుల నూనెలో యాంటీ ఇన్ ప్లామేటరీ, యాంటీ ఫంగల్, యాంటీ బ్యాక్టీరియల్ లక్షణాలు పుష్కలంగా ఉంటాయి. కాబట్టి చర్మానికి నువ్వుల నూనెను రాసుకోవడం వల్ల ఇన్ఫెక్షన్స్ తగ్గడంతో పాటు రాకుండా ఉంటాయి.


ఈ నువ్వుల నూనెను తలకు పట్టించడం వల్ల జుట్టుకు మంచి పోషణ కలగడంతో పాటు తల చర్మానికి కూడా మేలు కలుగుతుంది.ఇంకా అలాగే నువ్వులతో చక్కటి స్క్రబర్ ను తయారు చేసుకుని వాడడం వల్ల చర్మంపై పేరుకపోయిన నలుపు, ట్యాన్ ఈజీగా తొలగిపోతుంది. చర్మం  రంగు మెరుగుపడుతుంది. ఈ స్క్రబ్ ను తయారు చేసుకోవడం కూడా చాలా సులభం. ముందుగా ఒక జార్ లో నువ్వులు ఇంకా ఎండిన పుదీనా ఆకులు వేసి మరీ మెత్తగా కాకుండా కొద్దిగా బరకగా ఉండేలా మిక్సీ పట్టుకోవాలి. ఆ తరువాత ఈ మిశ్రమాన్ని గిన్నెలోకి తీసుకుని అందులో నిమ్మరసం, తేనెకలిపి ముఖానికి ఇంకా చేతులకు రాసుకోవాలి. దీనిని తడి ఆరే దాకా అలాగే ఉంచి ఆ తరువాత గోరు వెచ్చటి నీటితో శుభ్రం చేసుకోవాలి. ఇలా చేయడం వల్ల చర్మంపై ఉడే నలుపు, మృతకణాలు ఇంకా ట్యాన్ అంతా తొలగిపోతుంది. చర్మం చాలా అందంగా, కాంతివంతంగా తయారవుతుంది. ఈ విధంగా నువ్వుల నూనె మన ఆరోగ్యంతో పాటు చర్మానికి కూడా చాలా మేలు చేస్తుంది. ఇంకా దీనిని ఉపయోగించడం వల్ల మనం చక్కటి ఆరోగ్యకరమైన చర్మాన్ని సొంతం చేసుకోవచ్చని ఆరోగ్య నిపుణులు చెబుతున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Beauty

Purushottham Vinay

03/10/2023 03:53 PM