ప్రపంచపు అపర కుబేరుడిగా ఎంతో ఖ్యాతిగాంచిన గౌతమ్ అదానీ ఇప్పుడు ఆధారం కోసం ఎంతగానో కొట్టుమిట్టాడుతున్న పరిస్థితి. ఫాలో ఆన్‌ పబ్లిక్‌ ఆఫర్‌ ద్వారా  ఏకంగా 20 వేల కోట్ల రూపాయలు సమీకరించబోతున్నామని శుభవార్తతో 2023 వ సంవత్సరంని ప్రారంభించిన అదానీ గ్రూప్‌ ఇప్పుడు సంక్షోభపు సుడిగుండంలో చాలా దారుణంగా కొట్టుకుపోతోంది.జనవరి 24 వ తేదీన హిండెన్‌బర్గ్‌ రీసెర్చ్‌ విడుదల చేసిన 106 పేజీల నివేదిక ప్రకారం వేల కోట్ల రూపాయల అదానీ సామ్రాజ్యం దెబ్బకు పునాదులను కదిలించింది. 106 పేజీల ఆ నివేదిక తప్పని మొత్తం 413 పేజీలతో అదానీ గ్రూప్‌ తిప్పికొట్టినా కానీ అసలు నిల్చునేందుకు ఆధారం దొరకని పరిస్థితి ఏర్పడింది. హిండన్‌బర్గ్‌ నివేదిక రాకముందు అదానీ గ్రూప్‌ అధినేత ప్రపంచ కుబేరుల జాబితాలో ఏకంగా 3వ స్థానంలో ఉన్నారు. నెల రోజుల్లో ఆయన స్థానం ఇప్పుడు దారుణంగా 30వ స్థానానికి పడిపోయింది. సిమెంట్స్‌ నుంచి పోర్ట్స్‌ దాకా , ఆయిల్స్‌ నుంచి ఎనర్జీ వరకు తన సామ్రాజ్యాన్ని విస్తరించారు గౌతమ్‌ అదానీ. అదానీ గ్రూప్‌కు చెందిన మొత్తం 10 కంపెనీలు కూడా స్టాక్‌ మార్కెట్‌లో లిస్టయ్యాయి. ఆ పది కంపెనీల సంపద గడిచిన నెల రోజుల్లో దారుణంగా 12 లక్షల కోట్లు కరిగిపోయింది.ఇంకా అదానీ గ్రూప్‌కు చెందిన అదానీ టోటల్‌ గ్యాస్‌, అదానీ గ్రీన్‌ ఇంకా అదానీ ట్రాన్స్‌మిషన్‌ షేర్లు గడిచిన నెల రోజులుగా టాప్‌ లూజర్స్‌గా నిలుస్తున్నాయి.


అదానీ గ్రూప్‌పై జనవరి 24 వ తేదీన విడుదల చేసిన నివేదికలో 88 ప్రశ్నలను హిండెన్‌బర్గ్‌ లేవనెత్తింది. ఇందులో మొత్తం 65 ప్రశ్నలు అదానీ గ్రూప్‌నకు చెందిన లిస్టెడ్‌ కంపెనీలకు చెందినవే.ఇక ఆ ప్రశ్నలన్నింటినీ కూడా అదానీ గ్రూప్‌ కొట్టిపారేసింది. అదానీ టోటల్‌ గ్యాస్‌ షేర్‌ ధర  నెల రోజుల్లో ఏకంగా 78.5 శాతం పతనమైంది. జనవరి 24 వ తేదీన 3885.45 దగ్గర ట్రేడైన ఈ షేర్‌ ప్రస్తుతం 753.60కి పడిపోవడం జరిగింది. పాపం ఆయన గ్రూప్‌లోని అన్ని షేర్లదీ కూడా ఇదే పరిస్థితి.ఇక హిండెన్‌బర్గ్‌ నివేదిక ఆర్థిక మార్కెట్‌ను బాగా కుదిపేసిందనే చెప్పాలి. చాలా ఆర్థిక సంస్థలు కూడా అదానీ గ్రూప్‌తో తమ పేమెంట్స్ విషయంలో పునరాలోచనలో పడ్డాయి. అదానీ గ్రూప్‌ బాండ్స్‌కు ఎలాంటి విలువ లేదని క్రెడిట్‌ స్వియిష్‌  ఇంకా సిటీ గ్రూప్‌ ప్రకటించాయి. ప్రపంచప్రఖ్యాత స్టాక్‌ మార్కెట్‌ ఇండెక్స్‌ డౌజోన్స్ నుంచి అదానీ గ్రూప్‌ను తొలగించడం జరిగింది. ఈ నెల రోజుల్లో పాపం కేవలం ఒక్క బ్యాంక్‌ ఆఫ్‌ బరోడా మాత్రమే అదానీ గ్రూప్‌కు అండగా నిలిచింది. ఇన్వెస్టర్ల నమ్మకం నిలబెట్టుకునేందుకు అదానీ గ్రూప్‌ చాలా విధాలుగా ట్రై చేస్తోంది.

మరింత సమాచారం తెలుసుకోండి:

ADANI

Purushottham Vinay

26/02/2023 08:26 PM