അതേസമയം, ജോ ബൈഡൻ സർക്കാരിൻ്റെ ഭാഗമായി സ്ഥാനമൽക്കുന്ന പുതിയ ഉദ്യോഗസ്ഥരുമായി ചർച്ച ചെയ്യാതെയാണ് ട്രംപ് ഉത്തരവ് പുറത്തിറക്കിയതെന്നാണ് ഒരു മുതിർന്ന ഉദ്യോഗസ്ഥനെ ഉദ്ധരിച്ചുള്ള വാർത്താ ഏജൻസിയായ എഎഫ്പിയുടെ റിപ്പോർട്ട്. ഡേറ്റ അടിസ്ഥാനമാക്കിയുള്ള ചൈനയുടെ തന്ത്രത്തിനെതിരെ ഇനിയും നടപടികൾ സ്വീകരിക്കുമെന്നും ലോകത്തെ അടിച്ചമർത്താനായി ഫോണിലുള്ള ചിത്രങ്ഹളും മെസ്സേജുകളും മാതാപിതാക്കൾക്ക് ഉൾപ്പെടെയുള്ള ഫോൺ കോളുകളും ചൈന ചോർത്തുകയാണെന്നും ഉദ്യോഗസ്ഥർ പറഞ്ഞു.ലക്ഷക്കണക്കിന് ആളുകൾ ഡൗൺലോഡ് ചെയ്ത് ഉപയോഗിക്കുന്നതിനാൽ അവരുടെ വ്യക്തിവിവരങ്ങൾ സുരക്ഷാഭീഷണി നേരിടുന്നുണ്ടെന്നും അതുകൊണ്ടാണ് ഈ ആപ്പുകൾ സർക്കാർ നിരോധിച്ചതെന്നും ഉദ്യോഗസ്ഥർ വ്യക്തമാക്കി.
അലിപേ, കാംസ്കാനർ, ക്യൂക്യൂ വാലറ്റ്, ടെൻസെൻ്റ് ക്യൂക്യൂ, വിമേറ്റ്, വിചാറ്റ് പേ, ഡബ്ല്യൂപിഎസ് ഓഫീസ് എന്നീ ആപ്പുകളാണ് എക്സിക്യൂട്ടീവ് ഓർഡർ പ്രകാരം നിരോധിച്ചിട്ടുള്ളത്.ആപ്പ് നിരോധനത്തിൻ്റെ ഭാഗമായി എന്തെല്ലാം നടപടികളാണ് ഉൾപ്പെടുത്തേണ്ടതെന്ന് വാണിജ്യ സെക്രട്ടറിയോടും വിശദീകരണം തേടിയിട്ടുണ്ട്. ഈയിടെയാണ് യുഎസ് പ്രസിഡന്റ് ഡോണൾഡ് ട്രംപിനെതിരെ റെഡ് കോർണർ നോട്ടീസ് പുറപ്പെടുവിക്കണമെന്ന ആവശ്യവുമായി ഇറാൻ എത്തിയത്.
ജുഡീഷ്യറി വക്താവാണ് ഇക്കാര്യം വാർത്താ സമ്മേളനത്തിൽ അറിയിച്ചത്.2020 ജനുവരി മൂന്നിനാണ് ഖാസിം സൊലൈമാനി യുഎസിന്റെ ആക്രമണത്തിൽ കൊല്ലപ്പെട്ടത്. ബാഗ്ദാദ് വിമാനത്താവളത്തിൽ വെച്ച് ഡ്രോൺ ആക്രമത്തിലൂടെയായിരുന്നു കൊലപാതകം. രാജ്യേന്തര നിയമങ്ങൾ പാലിക്കാതെയാണ് യുഎസ് ആക്രമണം നടത്തിയതെന്ന് ഇറാൻ പറയുന്നു.