కేసీఆర్ కొడుకు కేటీఆర్ గారికి పుట్టినరోజు శుభాకాంక్షలు అంటూ మరోసారి సోషల్ మీడియాలో సెటైర్లు పేల్చారు షర్మిల. పుట్టినరోజు శుభాకాంక్షలు తెలుపుతూనే.. తనదైన శైలిలో నిరుద్యోగుల సమస్యల్ని ప్రస్తావించారు. నిరుద్యోగ యువతకు ఉపాధి కల్పించే చిత్తశుద్ధిని, విద్యార్థులకు ఫీజు రీఎంబర్స్ మెంట్ చేసే మనసుని కేటీఆర్ కి భగవవంతుడు ఇవ్వాలని కోరుకుంటున్నట్టు ఆ ట్వీట్ లో పేర్కొన్నారు షర్మిల.
అక్కడితో ఆ వ్యవహారం ఆగిపోయిందనుకుంటే పొరపాటే. ఆ తర్వాతే అసలు కథ మొదలైంది. కేటీఆర్ అభిమానులంతా ఓ రేంజ్ లో షర్మిలని ట్రోలింగ్ చేశారు. పరోక్షంగా జగన్ ని సీన్ లోకి తీసుకొచ్చారు. కేటీఆర్ ని విమర్శిస్తే ఊరుకునేది లేదని ఘాటుగా బదులిచ్చారు. ఈ ట్రోలింగ్ తో వెనకడుగేశారో లేక, ఇంకేదైనా కారణం ఉందో తెలియదు కానీ, కేటీఆర్ పై తాను వేసిన ట్వీట్ ని వెంటనే డిలీట్ చేశారు షర్మిల. దీంతో ఈ వివాదం కొత్త మలుపు తీసుకుంది. షర్మిల భయపడ్డారని, అందుకే ట్వీట్ డిలీట్ చేశారని కామెంట్లు పడ్డాయి. ట్వీట్ వేసే ధైర్యం లేనివారు రేపు రాష్ట్రాన్ని ఎలా పాలిస్తారంటూ లాజిక్ తీశారు చాలామంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి