పొద్దున్నే ఈ ఆకు తింటే అందం, ఆరోగ్యం మీ సొంతం?

కరివేపాకులు గురించి ప్రత్యేకంగా చెప్పనవసరం లేదు. ఇవి ఆరోగ్యానికి చాలా మంచివి. ఇంకా అంతేగాక వంట రుచిని కూడా ఈ ఆకులు మరింత పెంచుతాయి.అలాగే ఈ కరివేపాకులను మంచి ఆయుర్వేద ఔషధంగా కూడా పరిగణిస్తారు.ఈ కరివేపాకుల్లో విటమిన్ సి, మెగ్నీషియం, ఐరన్, కాపర్, కాల్షియం, ఫాస్పరస్, ఫైబర్, కార్బోహైడ్రేట్లు వంటి ముఖ్యమైన పోషకాలు ఇందులో ఉంటాయి.భారతదేశంలోని చాలా వంటలలో ఈ ఆకులను ఉపయోగిస్తారన్న సంగతి  తెలిసిందే. ఇవి రుచి పరంగానే కాకుండా ఆరోగ్యపరంగా కూడా చాలా రకాలుగా మేలు చేస్తాయి. చాలా మంది ఆరోగ్య నిపుణులు ప్రతిరోజూ ఉదయం పూట ఖాళీ కడుపుతో 4 నుంచి 5 కరివేపాకులను నమలాలని సలహా ఇస్తున్నారు. ఇలా చేయడం వల్ల ఏయే వ్యాధులు నయమవుతాయో ఇప్పుడు మనం తెలుసుకోండి..మధుమేహ రోగులు ఖచ్చితంగా ప్రతిరోజూ ఉదయం పూట ఖాళీ కడుపుతో కరివేపాకును నమలి తినాలి. ఎందుకంటే కరివేపాకు రక్తంలో చక్కెరను నియంత్రిస్తుంది. కావాలంటే కరివేపాకును ఎండలో ఆరబెట్టి పొడి చేసి నిల్వ చేసుకోని కూడా తినవచ్చు.అలాగే పెరుగుతున్న బరువుతో ఇబ్బంది పడే వారికి, కరివేపాకు చాలా రకాలుగా మంచిది.


ఉదయం లేవగానే కరివేపాకు ఆకులు నమలడం వల్ల శరీరం డిటాక్స్ అవ్వడమే కాకుండా మెటబాలిజం కూడా ఈజీగా పెరుగుతుంది. దీని కారణంగా క్రమంగా బరువు తగ్గడం కూడా ప్రారంభమవుతుంది.అలాగే కరివేపాకు తినడం వల్ల చర్మ సమస్యల నుంచి కూడా ఈజీగా ఉపశమనం లభిస్తుంది.రోజు తినడం వల్ల చర్మంపై కురుపులు లేదా మొటిమలు రావు.లేదా ఈ ఆకులను మెత్తగా రుబ్బి మొటిమల పై అప్లై చేయడం వల్ల దీని ప్రభావం కొన్ని రోజుల్లోనే ఫలితం కనిపిస్తుంది.ఇక మీకు కడుపునొప్పి వచ్చినప్పుడల్లా, ఒక పాన్‌లో నీటిని మరిగించి, దానికి కొన్ని కరివేపాకులను జోడించండి. అది మరిగిన తర్వాత నీరు వడగట్టి గోరువెచ్చగా ఉన్నప్పుడు తాగాలి. దీంతో ఈజీగా పొట్ట సమస్యల నుంచి ఉపశమనం లభిస్తుంది.అలాగే జుట్టు రాలడం లేదా ఇతర జుట్టు సమస్యలను ఎదుర్కొంటున్న వారు కరివేపాకులను తప్పనిసరిగా తినాలి. ఎందుకంటే ఇది జుట్టును బలపరుస్తుంది. జుట్టు రాలడాన్ని ఈజీగా ఆపుతుంది. ఇంకా ఇది కాకుండా, మీకు కావాలంటే, మీరు దీన్ని మెత్తగా రుబ్బి మీ జుట్టుకు అప్లై చేసుకోవచ్చు. ఈ హెయిర్ మాస్క్ అనేది చాలా ప్రయోజనకరంగా ఉంటుంది.

మరింత సమాచారం తెలుసుకోండి:

health

Purushottham Vinay

23/09/2023 06:09 PM