అలా ఈ మధ్యకాలంలో బాగా పుట్టుకొచ్చిన డైలాగ్ కూడా ఒకటి ఉంది.. ఈ డైలాగుతో అల్లు అర్జున్ కెరీర్ మారిపోయిందని కూడా చెప్పవచ్చు. ఇప్పటికే ఆ డైలాగ్ ఏదో గుర్తొచ్చే ఉంటుంది. అదేనండీ..! రేసుగుర్రంలో అల్లు అర్జున్ మాట్లాడే డైలాగ్ దేవుడా..! ఈ డైలాగ్ ఎంతగా పాపులర్ అయ్యింది అంటే ఇప్పటికీ కూడా చిన్నపిల్లల నుంచి పెద్దవాళ్ల వరకూ ఈ డైలాగుతో చాలామంది చాలా రకాల సంభాషణలు చేస్తూ హైలెట్ గా నిలుస్తారు.. ఇది సాధారణమైన వాక్యమే అయినప్పటికీ అల్లు అర్జున్ మాట్లాడేది స్టైల్ .. అతని ఉచ్చారణలో వచ్చే స్టైల్ కి ప్రేక్షకులు ఫిదా అయ్యారు. అంతేకాదు ఈ డైలాగుతో ఫుల్ సినిమా మంచి విజయాన్ని కూడా అందుకుందని చెప్పవచ్చు.
ప్రముఖ దర్శకుడు సురేందర్ రెడ్డి దర్శకత్వంలో శ్రీ లక్ష్మీ నరసింహా ప్రొడక్షన్స్ పతాకంపై డాక్టర్ వెంకటేశ్వరరావు, నల్లమలపు శ్రీనివాసరావు కలిసి సంయుక్తంగా తెర కెక్కించిన సినిమా రేసుగుర్రం. ఈ సినిమాలో అల్లు అర్జున్ , శృతి హాసన్ హీరో హీరోయిన్లుగా నటించగా రవి కిషోర్, బ్రహ్మానందం , ప్రకాష్ రాజ్ ప్రధాన పాత్రల్లో నటించారు. 2014 ఏప్రిల్ 11 వ తారీకు న విడుదలైన ఈ చిత్రం ప్రపంచ వ్యాప్తంగా విడుదలయ్యి మంచి కలెక్షన్లను రాబట్టింది. ఇక కమర్షియల్ హిట్ గా కూడా నిలిచి, విమర్శకుల ప్రశంశలు కూడా అందుకుంది.
