ఇక రాంగోపాల్ వర్మ కూడా త‌న ట్వీట్ల‌తో ప్రకాష్ రాజ్‌ను స‌పోర్ట్ చేస్తూ మాట్లాడారు. ప్రకాష్ రాజ్ నాన్ లోకల్ అయితే గుడివాడ నించి చెన్నైకి వెళ్లిన రామారావుగారు, నాగేశ్వరరావుగారు …బుర్రిపాలెం నించి మద్రాస్ వెళ్లిన కృష్ణగారు, తిరుపతి నించి మద్రాస్ బయల్దేరిన మోహనబాబు గారు వీళ్లంతా లోక‌లా ? అని ప్ర‌శ్నించ‌డంతో పాటు ప్రకాష్ రాజ్‌కే త‌న స‌పోర్ట్ అని చెప్ప‌క‌నే చెప్పేశారు. ఇక ముందు లోకల్, నాన్ లోకల్ వివాదం వ‌చ్చిన‌ప్పుడు ఎక్కువ మంది మంచు విష్ణుకు ఇది ప్ల‌స్ అవుతుంద‌ని అంచ‌నా వేశారు.
అయితే క్ర‌మ‌క్ర‌మంగా ఇప్పుడు పరిస్థితి మారుతోంది. ప్రకాష్ రాజ్‌కు పొలిటిక‌ల్ స‌పోర్ట్ కూడా పెరుగుతోంద‌ని అంటున్నారు. టీఆర్ఎస్ వాళ్ల‌లో ప్రకాష్ రాజ్‌కే ఎక్కువ మంది స‌పోర్ట్ చేస్తున్న‌ట్టు ఇండ‌స్ట్రీలో గుస‌గుస‌లు వ‌స్తున్నాయి. కేటీఆర్ తో పాటు సినిమా వ్య‌వ‌హారాల్లో కీల‌కంగా ఉండే మరో మంత్రి మ‌ద్ద‌తు సైతం ప్రకాష్ రాజ్‌కే ఉంద‌ని అంటున్నారు. ఇక వైసీపీలో కూడా కొంద‌రు నేత‌ల మ‌ద్ద‌తు ప్రకాష్ రాజ్‌కే ఉంద‌ని టాక్ ? మరి నంద‌మూరి, ద‌గ్గుబాటి కాంపౌండ్ లు ఎవ‌రికి స‌పోర్ట్ చేస్తాయో ? వీరి అంత‌రంగం ఏంటో ? చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి