ఈ మూవీలో నీలాంబరిగా ఆమె నటన ఓ అద్భుతం. సూపర్ స్టార్ రజిని కాంత్ కి పోటా పోటీగా నటించి విమర్శకుల ప్రశంసలు సైతం అందుకున్న గొప్ప నటిగా గుర్తింపు పొందింది. ఇండస్ట్రీలో అడుగు పెట్టి మూడుపదుల సంవత్సరాలు దాటినా ఇప్పటికీ సినిమాలలో తనదైన మార్క్ తో దూసుకుపోతున్నారు. నటనకు ప్రాధాన్యమున్న పాత్రలను ఎంపిక చేసుకుంటూ తనదైన శైలిలో నటిస్తూ అందరితో భళా అనిపించుకుంటున్నారు. బాహుబలి చిత్రంలో తన నటనతో అంతర్జాతీయ స్థాయి నటిగా గుర్తింపు తెచ్చుకుని పేరు ప్రఖ్యాతులు పొందారు. శివగామి పాత్రకు రమ్య కృష్ణ తప్ప ఇంకెవరూ నూటికి నూరుపాళ్లు న్యాయం చేయలేరేమో అన్నట్టుగా అలరించింది.
పేరుకి తమిళమ్మాయి అయినా టాలీవుడ్ హీరోయిన్ గా పాతుకుపోయింది. హీరోయిన్ గా, విలన్ గా, తల్లిగా ఇలా పాత్ర ఏదైనా అందులో పరకాయ ప్రవేశం చేసి ఆ పాత్ర ప్రేక్షకుల్లో చిరస్థాయిగా గుర్తుండేలా చేసే మ్యాజిక్ ఆమె సొంతం. ప్రస్తుతం టాలీవుడ్ లో పవర్ ఫుల్ పాత్ర చేయాలి అంటే మొదటి ఆప్షన్ రమ్య కృష్ణనే అని చెప్పడంలో అతిశయోక్తి లేదు. అంతగా తన నటనతో, రాజసం ఉట్టిపడే అందంతో మూడు దశాబ్దాల నుండి ప్రేక్షకుల్ని అలరిస్తున్నారు రమ్య కృష్ణ. ఇప్పటికీ ఈమె నటన చూసి ప్రత్యేక పాత్రలు సృష్టిస్తున్నారు దర్శకులు. ఈమె ఈరోజు తన 54 వ వసంతంలోకి అడుగు పెట్టారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి