ദിലീപ് കേസ്; കാവ്യയുടെ പങ്ക് തെളിയിക്കുന്ന ശബ്ദരേഖ പുറത്ത്! ദിലീപിന്റെ സഹോദരി ഭർത്താവായ സൂരജും ശരത്തും തമ്മിലുള്ള ശബ്ദരേഖയാണ് പുറത്തുവന്നിരിക്കുന്നത്. കൊച്ചിയിൽ നടിയെ ആക്രമിച്ച കേസിൽ ശബ്ദരേഖ പുറത്ത്. അന്വേഷണ സംഘം കോടതിയിൽ സമർപ്പിച്ച ശബ്ദരേഖയാണ് ഇപ്പോൾ ഏഷ്യാനെറ്റ് ന്യൂസ് പുറത്തുവിട്ടിരിക്കുന്നത്. ഗൂഡാലോചനയിൽ കാവ്യാ മാധവന്റെ പങ്ക് സൂചിപ്പിക്കുന്ന ശബ്ദരേഖയാണ് ഇപ്പോൾ മാധ്യമങ്ങളിലൂടെ പുറത്തുവന്നിരിക്കുന്നത്. തന്റെ സുഹൃത്തുക്കൾക്ക് കാവ്യ കൊടുക്കാൻ വച്ചിരുന്ന പണിയെന്ന് ശബ്ദരേഖയിൽ പറയുന്നുണ്ട്. പിന്നീട്, ദിലീപ് അത് ഏറ്റെടുത്തതാണെന്നും ശബ്ദരേഖയിൽ വ്യക്തമാക്കുന്നു. സുരാജിന്റെ ഫോണിൽ നിന്നുമാണ് ശബ്ദരേഖ വീണ്ടെടുത്തിരിക്കുന്നത് എന്നാണ് റിപ്പോർട്ട്.
ശബ്ദരേഖയിൽ പറയുന്നത് ഇങ്ങനെ, "വെറുതെ ആൾക്കാര് പറയുന്നത് കേട്ടുകൊണ്ട് ചേട്ടാ.. കേസിൽ വാലിഡായിട്ടുള്ള എവിഡൻസും പോയിന്റസും എല്ലാം നമ്മുടെ കൈയ്യിൽ വേണം. വളരെ സെൻസേഷണലായ കേസിൽ ഒരു ലോജിക്കും ഇല്ലാതെ എന്നെയങ്ങ് വിട്ടേക്ക് എന്നെയങ്ങ് വിട്ടേക്ക് എന്നും പറഞ്ഞ് കൊടുത്താൽ അവരങ്ങ് വിടുമോ? ഇല്ല. അപ്പോൾ അതില് എന്തെങ്കിലും സ്ട്രോങ് സപ്പോർട്ടിങ് ഡോക്യുമെന്റ്സ് കൊടുക്കാതെ എന്നെയങ്ങ് ഒഴിവാക്കെന്ന് പറയുന്നതിൽ ഒരു കാര്യവുമില്ല. സാധാരണക്കാരായ ആൾക്കാർ കേൾക്കുമ്പോ ചുമ്മാ ഇത് കേസ് വലിച്ചുനീട്ടാനുള്ള പരിപാടിയാണെന്ന് വിചാരിക്കും. കേസ് ട്രയലിന് പോകാതെ ഡിസ്ചാർജ് ഡിസ്ചാർജ് എന്ന് പറഞ്ഞ് നമ്മള് കേസ് ഡിലേയാക്കുന്നു എന്നു പറയും. ആരായാലും അങ്ങിനെയല്ലേ വിചാരിക്കൂ?.
'' മാത്രമല്ല അതിനിടെ കാവ്യാ മാധവനെ ചോദ്യം ചെയ്യുമെന്നും റിപ്പോർട്ടുണ്ട്. തിങ്കളാഴ്ച ചോദ്യം ചെയ്യലിന് ഹാജരാകുവാൻ നോട്ടീസ് നൽകിയതായും മാധ്യമ റിപ്പോർട്ടിൽ പറയുന്നു. ആലുവ പോലീസ് ക്ലബ്ബിൽ എത്താനാണ് നിർദ്ദേശിച്ചിരിക്കുന്നത്.ദിലീപിന്റെ സഹോദരി ഭർത്താവ് സൂരജും ശരത്തും തമ്മിലുള്ളത്. അഭിഭാഷകനായ സുജേഷ് മേനോനും ദിലീപും തമ്മിലുള്ളത്. ഡോ. ഹൈദരാലിയും സൂരജും തമ്മിലുള്ള സംഭാഷണം. എന്നിങ്ങനെ മൂന്ന് ശബ്ദരേഖകളാണ് ഹാജരാക്കുക. മൂന്ന് ശബ്ദരേഖകൾ കൂടി ഹൈക്കോടതിയിൽ ഹാജരാക്കിയിട്ടുണ്ട്.
അതേസമയം നടിയെ ആക്രമിക്കുന്ന ദൃശ്യങ്ങൾ കേസിലെ എട്ടാംപ്രതി നടൻ ദിലീപും അഭിഭാഷകനും നിരവധിതവണ കണ്ടതിന്റെ തെളിവുകൾ അന്വേഷകസംഘം ഹൈക്കോടതിയിൽ ഹാജരാക്കി. അഭിഭാഷകൻ സുജേഷുമായി നടത്തിയ ഫോൺ സംഭാഷണത്തിലാണ്‌ ദൃശ്യങ്ങൾ ദിലീപ് കണ്ടുവെന്ന്‌ പറയുന്നത്. സഹോദരീഭർത്താവായ സുരാജിന്റെ ഫോണിൽനിന്ന്‌ ദിലീപ് അഭിഭാഷകനുമായി 2019 ഡിസംബർ 19ന് നടത്തിയ സംഭാഷണമാണ് ഹാജരാക്കിയത്. അന്വേഷണ പുരോഗതി റിപ്പോർട്ടിലാണ് ഇക്കാര്യങ്ങൾ വ്യക്തമാക്കിയത്.
Find out more:
click and follow Indiaherald WhatsApp channel