മുംബൈ-ഫുജൈറ സമുദ്രാന്തർ റെയിൽപാത; 2 മണിക്കൂറിൽ 1826 കിലോമീറ്റർ! മുംബൈയിൽ ഒരു അണ്ടർ വാട്ടർ ട്രെയിൻ വരും വർഷങ്ങളിൽ ആരംഭിക്കും. അതിനുളള ചർച്ചകൾ നടന്നുവരികയാണ്. മുംബൈയിൽ നിന്ന് യുഎഇയിലെ ഫുജൈറ നഗരവുമായി ബന്ധിപ്പിക്കുന്ന 2,000 കിലോമീറ്റർ നീളമുള്ള അണ്ടർവാട്ടർ റെയിൽ നിർമ്മിക്കാൻ ആണ് പദ്ധതി. യുഎഇയുടെ പദ്ധതിയാണിത്. 5 വർഷം മുൻപാണ് അണ്ടർ വാട്ടർ ട്രെയിൻ പദ്ധതിയെന്ന ആശയം ഉദിക്കുന്നത്. 2018ൽ അബുദാബിയിൽ വച്ച് നടന്ന ഇന്ത്യ-യുഎഇ കോൺക്ലേവിനിടെയാണ് ഇത് ചർച്ചയായി. അൾട്രാ സ്പീഡ് ഫ്‌ലോട്ടിംഗ് ട്രെയിനുകൾ വഴി ഇന്ത്യയിലെ മുംബൈയെ ഫുജൈറ നഗരവുമായി ബന്ധിപ്പിക്കാനാണ് പദ്ധതിയും ലക്ഷ്യമിടുന്നത്. പദ്ധതിയിലൂടെ ഇന്ത്യയുമായുള്ള ഉഭയകക്ഷി വ്യാപാരം വർദ്ധിപ്പിക്കാനാവുമെന്നാണ് യുഎഇ കരുതുന്നത്.അന്ന് നാഷണൽ അഡ്വൈസർ ബ്യൂറോ ലിമിറ്റഡ് മാനേജിംഗ് ഡയറക്ടറും ചീഫ് കൺസൾട്ടന്റുമായ അബ്ദുല്ല അൽഷെഹി പറഞ്ഞത് പദ്ധതി ആരംഭിക്കുന്നതിന് നിരവധി കാര്യങ്ങൾ പരിശോധിക്കേണ്ടതുണ്ടെന്നാണ്. അതുകൊണ്ട് തന്നെ പദ്ധതി യാഥാർത്ഥ്യമാവാൻ കാലതാമസം ഉണ്ടാവുമെന്നും കൂട്ടിച്ചേർത്തിരുന്നു.
അതേസമയം, പദ്ധതി ആരംഭിക്കുന്നതിന് മുമ്പ് ഇരുനഗരങ്ങളുടെയും രാജ്യങ്ങളുടെയും സാധ്യതാപഠന റിപ്പോർട്ട് പുറത്തുവരേണ്ടതുമുണ്ട്. 1. 2,000 കിലോമീറ്റർ നീളമുള്ള അണ്ടർവാട്ടർ റെയിൽ പദ്ധതിയാണിത്.
2. അൾട്രാ സ്പീഡ് ഫ്‌ലോട്ടിംഗ് ട്രെയിനുകൾ വഴിയായിരിക്കും സർവീസ്.
3. ഇന്ത്യ യുഎഇയിൽ നിന്ന് എണ്ണ വാങ്ങുന്നുണ്ട്. അത്തരം ചരക്ക് കൈമാറ്റ പാതയായി അണ്ടർവാട്ടർ പാത പ്രയോജനപ്പെടുത്തും.
4. നർമ്മദാ നദിയിൽ നിന്ന് ശുദ്ധജലം പൈപ്പ് ലൈനുകൾ വഴി മിഡിൽ ഈസ്റ്റ് രാജ്യത്തേക്ക് കയറ്റുമതി ചെയ്യാൻ ഇന്ത്യയും ഈ ഗതാഗത സൗകര്യം പ്രയോജനപ്പെടുത്തും.
5. പദ്ധതി യാഥാർത്ഥ്യമായാൽ ഭാവിയിൽ മറ്റ് കയറ്റുമതി- ഇറക്കുമതി വ്യാപാരങ്ങളും മെച്ചപ്പെടും.
6. ഈ പാതയിലൂടെ മറ്റ് ജിസിസി രാജ്യങ്ങളുമായുള്ള ഇന്ത്യയുടെ കൊടുക്കൽ-വാങ്ങലുകൾ സുഗമമായി നടത്താം.
7. കപ്പൽ ഗതാഗതം പോലുള്ളവയെ ബാധിക്കില്ല. മുംബൈയിൽ നിന്ന് ഫുജൈറ സ്റ്റേഷനിലേക്ക് അറബിക്കടലിനു അടിയിലൂടെ സഞ്ചരിക്കേണ്ട ദൂരം മണിക്കൂറിൽ 1826 കിലോമീറ്ററാണ്. ഈ ദൂരം റെക്കോർഡ് സമയമായ രണ്ട് മണിക്കൂർ കൊണ്ട് പിന്നിടും. ഇതിനായി ട്രെയിൻ വേഗത മണിക്കൂറിൽ 600 മുതൽ 1000 കിമീ/മണിക്കൂർ വരെയായി സജ്ജീകരിക്കണം. അതേസമയം അണ്ടർവാട്ടർ ട്രെയിനുമായി ബന്ധപ്പെട്ട റിപ്പോർട്ടുകളിൽ കേന്ദ്ര സർക്കാർ ഇതുവരെ ഔദ്യോഗിക പ്രസ്താവനകളൊന്നും പുറത്തുവിട്ടിട്ടില്ല. ഇരുരാജ്യങ്ങൾക്കും ലാഭകരമായി മാറുമെന്ന വിലയിരുത്തലാണ് ഇതുവരെയുണ്ടായിട്ടുള്ളത്. ഈ അണ്ടർവാട്ടർ നെറ്റ്‌വർക്ക് ഇരുരാജ്യങ്ങളിലെയും പ്രവാസികൾക്കും ഉപകാരപ്പെടും. പലപ്പോഴും ദുബൈ അടക്കമുള്ള ഇടങ്ങളിലേക്ക് വലിയ തുക വിമാനനിരക്കായി വരാറുണ്ട്. സമുദ്രത്തിനടിയിലൂടെയുള്ള റെയിൽപാതയുടെ പ്രധാന്യം മനസ്സിലാക്കി തരുന്ന ചില കണക്കുകൾ കൂടിയുണ്ട്. ഏറ്റവും പുതിയ റിപ്പോർട്ടുകൾ പ്രകാരം ഇന്ത്യയിലെ നിക്ഷേപകരിൽ നാലാംസ്ഥാനത്ത് നിൽക്കുന്ന രാജ്യമാണ് യുഎഇ.
നേരിട്ടുള്ള വിദേശനിക്ഷേപത്തിന്റെ കാര്യത്തിലാണ് നാലാം സ്ഥാനമുള്ളത്. 2022- 23 സാമ്പത്തിക വർഷത്തെ കണക്കനുസരിച്ച് 3.35 ബില്യൻ ഡോളർ നിക്ഷേപമാണ് ഇന്ത്യയിൽ യുഎഇ നടത്തിയത്. മുൻ സാമ്പത്തിക വർഷമായ 2021-22ൽ ഇത് 1.03 ബില്യൺ ഡോളർ മാത്രമായിരുന്നു. അതായത് ഒരു വർഷത്തിലുണ്ടായത് മൂന്നിരട്ടി വർധന. ഡിപ്പാർട്ട്മെന്റ് ഫോർ പ്രമോഷൻ ആൻഡ് ഇൻഡസ്ട്രി ആൻഡ് ഇന്റേണൽ ട്രേഡ് ആണ് ഈ കണക്ക് പുറത്തുവിട്ടത്. പുനരുപയോഗ ഊർജമേഖല പോലുള്ളവയിൽ ഇന്ത്യയുമായുള്ള സഹകരണം വർധിപ്പിക്കാൻ യുഎഇ തയ്യാറായിട്ടുണ്ട്. ഇതല്ലാതെ വൈദ്യുതി, സേവനങ്ങൾ, നിർമാണ മേഖലകൾ എന്നിവയിലാണ് യുഎഇയുടെ ഇന്ത്യയിലെ നിക്ഷേപം. ഇരുരാജ്യങ്ങളും തമ്മിലെ സ്വതന്ത്ര വ്യാപാര കരാർ കൂടി വന്നതോടെ ഇറക്കുമതിയും കയറ്റുമതിയും വർധിച്ചിട്ടുമുണ്ട്. ഈ സാഹചര്യവും സമുദ്രാന്തർ റെയിൽപാതയുടെ പ്രധാന്യം ചൂണ്ടികാട്ടുന്നു. ലോകത്തിലെ ഏറ്റവും വലിയ വിനോദസഞ്ചാര കേന്ദ്രങ്ങളിലൊന്നാണ് ഇന്ന് ദുബൈ. ആളുകൾ ഈ നഗരത്തിലേക്ക് ഒഴുകുകയാണ്.
പ്രവാസി തൊഴിലാളികളിൽ ഭൂരിപക്ഷവും ഇന്ത്യക്കാരുമാണ്. ലോകം ദുബായ് നഗരം സന്ദർശിക്കാനെത്തുന്നവരെ ഈ അണ്ടർ വാട്ടർ ട്രെയിൻ ഇന്ത്യയിലേക്കും എത്തിക്കും. ഹൈ സ്പീഡ് അണ്ടർ സീ റെയിൽ എന്ന ആശയം വിനോദസഞ്ചാരികളുടെ സമയവും ചെലവും കുറയ്ക്കുക മാത്രമല്ല കൂടുതൽ വിനോദസഞ്ചാരികളെ രാജ്യത്ത് എത്തിക്കുമെന്നും പ്രതീക്ഷിക്കുന്നു. അതെസമയം ഈ പദ്ധതി പ്രാവർത്തികമാക്കാൻ വൻ മൂലധനം ആവശ്യമാണ്. യുഎഇ മാത്രമല്ല അണ്ടർവാട്ടർ റെയിൽ ശൃംഖല നിർമ്മിക്കുന്നതിനായി പ്രവർത്തിക്കുന്നത്. റഷ്യ, കാനഡ, യുഎസ്എ എന്നീ രാജ്യങ്ങളുമായി അണ്ടർവാട്ടർ ഗതാഗത സൗകര്യമൊരുക്കാൻ ചൈന ആസൂത്രണം നടത്തുന്നതായി വാർത്തകളുണ്ട്. രാജ്യത്തെ ആദ്യത്തെ വാട്ടർ മെട്രോ ട്രെയിൻ സർവീസ് ആരംഭിക്കാനുള്ള തയ്യാറെടുപ്പിലാണ്. കൊൽക്കത്തയിലെ ഹുഗ്ലി നദിയിലെ തുരങ്കത്തിലൂടെയുള്ള പരീക്ഷണ ഓട്ടം വിജയകരമായി ഈ ഏപ്രിലിൽ പൂർത്തിയാക്കിയിട്ടുമുണ്ട്. 5 കിലോമീറ്ററോളമാണ് നദിക്കുള്ളിലെ റൂട്ട്. 33 മീറ്റർ അടിയിലൂടെയാണ് പാത പോകുന്നതെന്ന പ്രത്യേകതയുമുണ്ട്.
Find out more:
click and follow Indiaherald WhatsApp channel