ആകാശദൂതിലെ റോണി ഇവിടെയുണ്ട്, മാധവിയുടെ മടിയിൽ കിടന്ന് ഉറങ്ങിയത് ഇപ്പോഴും മറന്നിട്ടില്ല എന്ന് മാർട്ടിൻ! അച്ഛന്റെ മരണത്തിന് ശേഷം കാൻസർ ബാധിച്ച അമ്മ തന്റെ നാല് മക്കളെയും ഓരോരുത്തർക്ക് ആയി ദത്ത് കൊടുക്കുന്ന കാഴ്ച ഹൃദയം നുറുങ്ങുന്ന വേദനയോടെയാണ് പ്രേക്ഷകർ ഓരോ തവണയും കണ്ട് തീർക്കുന്നത്.ഒന്നിൽ കൂടുതൽ തവണ പ്രേക്ഷകർ കാണാൻ ആഗ്രഹിക്കാത്ത മലയാളത്തിലെ ഏറ്റവും മികച്ച സിനിമകളിൽ ഒന്നാണ് സിബി മലയിൽ സംവിധാനം ചെയ്ത് 1993 ൽ പുറത്തിറങ്ങിയ ആകാശദൂത് എന്ന ചിത്രം.അതിൽ പോളിയോ ബാധിച്ച മകനെ സ്വീകരിക്കാൻ ആരും തയ്യാറാവാത്തതും അവനെ ഓർത്തുള്ള വിഷമത്തോടെ അമ്മ മരിക്കുന്നതും ആണ് കഥ. പിന്നീട് മോനുവിനെ ദത്ത് എടുത്ത രക്ഷിതാക്കൾ തന്നെ കാലിന് വയ്യാത്ത ടോണിയെയും സ്വീകരിക്കുന്നു. അന്ന് പ്രേക്ഷകരെ അത്രമേൽ കരയിപ്പിച്ച ആ നാല് മക്കളിൽ മൂന്ന് ആൺമക്കളെയും പിന്നീട് സിനിമയിൽ കണ്ടില്ല.
സഹോദരിയായി എത്തിയ സീന ആന്റണി ഇപ്പോഴും ടെലിവിഷൻ ലോകത്ത് സജീവമാണ്.ടോണി ഇപ്പോൾ ദുബായിലാണ്. ബിഹൈന്റ് വുഡിന് നൽകിയ അഭിമുഖത്തിൽ സംസാരിക്കവെ ആകാശദൂത്ത് എന്ന സിനിമയെ കുറിച്ചുള്ള തന്റെ ഓർമകൾ താരം പങ്കുവയ്ക്കുകയാണ്. മാർട്ടിൻ കോര എന്നാണ് ടോണിയായി എത്തിയ നടന്റെ യഥാർത്ഥ പേര്. ആകാശ ദൂത് എന്ന സിനിമ ചെയ്യുന്ന സമയത്ത് താൻ നാലാം ക്ലാസിൽ പഠിക്കുകയായിരുന്നു, ഒൻപത് വയസ്സായിരുന്നു എന്നും മാർട്ടിൻ പറയുന്നു.ലൊക്കേഷനിൽ പോയിരിയ്ക്കും, ഷോട്ട് റെഡിയാവുമ്പോൾ വിളിക്കും. അപ്പോൾ എന്ത് ചെയ്യണം എന്ന് അവർ പറയും, അത് പോലെ ചെയ്യും. അങ്ങനെയായിരുന്നു ഷൂട്ടിങ്. പക്ഷെ സ്‌കൂളിൽ എല്ലാം എല്ലാവരോട് പറഞ്ഞത് കഥ എനിക്ക് മുഴുവൻ അറിയാം എന്നായിരുന്നു.
അതുകൊണ്ട് പ്രി റിലീസിന് പോയപ്പോൾ കരച്ചിൽ അടക്കി പിടിക്കാൻ ഒരുപാട് പ്രയാസപ്പെട്ടു. അന്ന് അഭിനയിക്കാൻ പോവുക എന്നാൽ സ്‌കൂളിൽ പോകേണ്ട പരീക്ഷ എഴുതേണ്ട എന്നതൊക്കെയായിരുന്നു സന്തോഷം.അന്ന് പ്രി റിലീസിന് എന്റെ സ്‌കൂളിലെ കൂട്ടുകാർക്കൊപ്പമാണ് ആദ്യമായി ആ സിനിമ കണ്ടത്. സത്യത്തിൽ എന്റെ നാലാം ക്ലാസിന് ശേഷം പിന്നീട് ഞാൻ ആ സിനിമ കണ്ടിട്ടില്ല. അതിന് സാധിച്ചിട്ടില്ല. എന്റെ ഭാര്യ ഇപ്പോഴും ആകാശദൂത് എന്ന സിനിമ മുഴുവനായി കണ്ടിട്ടില്ല. ഭർത്താവ് അഭിനയിച്ച സിനിമയാണ് എന്ന് എല്ലാവരോടും പറയും. തുടക്കം ഒക്കെ കാണും. പക്ഷെ കരയേണ്ട രംഗം എത്തുമ്പോഴേക്കും നിർത്തും.
ഒരു ഗാന രംഗത്ത് ഞാനും അമ്മയും കൂടെ സഹോദരങ്ങളെ എല്ലാം കാണാൻ പോകുന്നതായിട്ടാണ് കാണിക്കുന്നത്. ആ യാത്രയിൽ ബസ്സിലിരുന്ന് ഞാൻ മാധവിയുടെ മടിയിൽ കിടന്ന് ഉറങ്ങിപ്പോയി. ഏകദേശം രണ്ട് രണ്ടര മണിക്കൂർ നേരം ഞാൻ മടിയിൽ കിടന്ന് ഉറങ്ങിയിട്ടും അവർ എന്റെ ഉറക്കത്തെ ഒട്ടും ശല്യം ചെയ്തില്ല.സിനിമയിൽ അഭിനയിക്കുന്ന സമയത്ത് മാധവിയുടെ മടിയിൽ കിടന്ന് ഉറങ്ങിയത് എല്ലാം ഇപ്പോഴും ഓർമയുണ്ട്.
Find out more:
click and follow Indiaherald WhatsApp channel