అయితే రాజమౌళి తన సినిమాలో కాస్టింగ్ విషయంలో కూడా ఎంతో జాగ్రత్త పడుతూ ఉంటాడు అని చెప్పాలి. మొహమాటానికి పోయి ఎవరిని పడితే వారిని సెలెక్ట్ చేయకుండా.. ఆ పాత్రకు సరిగ్గా సెట్ అయితేనే ఇక ఛాన్స్ ఇవ్వడం లాంటిది చేస్తూ ఉంటాడు. ఈ క్రమంలోనే మహేష్ బాబు మూవీ కోసం హాలీవుడ్ క్యాస్టింగ్ ఏజెన్సీ తో రాజమౌళి ఒప్పందం కుదుర్చుకున్నారట. అమెజాన్ ఫారెస్ట్ నేపథ్యంలో వరల్డ్ అడ్వెంచర్ ట్రావెలర్ గా ఇక మహేష్ సినిమాలో కనిపించబోతున్నాడట.
ఇప్పుడు ఈ సినిమాకు సంబంధించి ఒక క్రేజీ న్యూస్ సోషల్ మీడియాలో వైరల్ గా మారిపోయింది. మహేష్ బాబును ఢీకొట్టే విలన్ పాత్ర కోసం ఏకంగా బడా స్టార్ ను రంగంలోకి దింపేందుకు సిద్ధమవుతున్నాడట రాజమౌళి. బాలీవుడ్ లో మిస్టర్ పర్ఫెక్ట్ గా పేరు సంపాదించుకున్న అమీర్ ఖాన్ ను విలన్ గా తీసుకుంటున్నారని బాలీవుడ్ టాలీవుడ్ సర్కిల్స్ లో జోరుగా ప్రచారం జరుగుతుంది. దీపికా పదుకొనేని ఈ సినిమాలో హీరోయిన్గా ఎంపిక చేశారట. అమీర్ ఖాన్ విలన్ అన్న వార్త నిజమైతే మాత్రం ఇక మహేష్ సినిమా అరాచకమే అని చెప్పాలి.
