పాన్ ఇండియా స్టార్ హీరో యంగ్ రెబల్ స్టార్ ప్రభాస్ 'సలార్' సినిమా టీజర్ నేడు ఉదయం రిలీజ్ అయ్యి విపరీతంగా వైరల్ అవుతుంది. యూట్యూబ్ లో ఈ టీజర్ పాత రికార్డులని బద్దలు కొడుతూ చాలా వేగంగా సరికొత్త రికార్డులు సృష్టిస్తోంది. వ్యూస్, లైక్స్, షేర్స్ ఇలా ప్రతిదానిలోనూ కూడా ఈ టీజర్ టాప్ లోకి దూసుకెళ్లిపోయింది.స్టార్ హీరో సినిమాల సందడంటే ఒకప్పటి రోజుల్లో వేరుగా ఉండేది. ముందుగా పాటలు, అవొచ్చిన కొన్నాళ్లకు థియేటర్లలోకి ఆ సినిమా వచ్చేది. ఇప్పుడేమో ట్రెండ్ పూర్తిగా మారిపోయింది. ఫస్ట్ లుక్, టీజర్, లిరికల్ సాంగ్స్, ట్రైలర్.. ఇవన్నీ అయిపోయిన తర్వాత సినిమా రిలీజ్ అన్నట్లు పరిస్థితి పూర్తిగా మారిపోయింది. తాజాగా ప్రేక్షకుల ముందుకొచ్చిన 'సలార్' మూవీ టీజర్ కేవలం 6 గంటల్లోనే మిలియన్ లైక్స్ సొంతం చేసుకుని సరికొత్త రికార్డు సృష్టించింది.ఇప్పటికి ఇంకా వేగంగా ఈ టీజర్ వ్యూస్ లైక్స్ రాబడుతుంది.


ఇలా జస్ట్ ఒక్క టీజర్‌తో అతి తక్కువ సమయంలో మిలియన్ లైక్స్ సాధించిన హీరోగా టాలీవుడ్‌లో ప్రభాస్ సూపర్ రికార్డు సొంతం చేసుకున్నాడు.మిగతా హీరోల్లో పవన్ కళ్యాణ్ 24 గంటలు, జూ.ఎన్టీఆర్-36 గంటలు, అల్లు అర్జున్-2 రోజుల 11 గంటలు, మహేశ్ బాబు- 18 రోజులు, రామ్ చరణ్- 20 నెలల సమయం తీసుకున్నారు. ఇదంతా కూడా చూస్తుంటే సినిమాలపై అంచనాలు పెరగడం, థియేటర్లలోకి వచ‍్చిన తర్వాత ప్రేక్షకుల్ని అలరించడం అన‍్న దానికంటే సినిమా అనేది నంబర్ల గేమ్‌లా మారుతోందని నెటిజన్స్ ఈ రికార్డులని బట్టి అభిప్రాయపడుతున్నారు.ఇక సలార్ ఇప్పటిదాకా 34 మిలియన్స్ ఇంకా 1.3 మిలియన్ లైకులతో ట్రెండింగ్ లో నెంబర్ వన్ గా దూసుకుపోతుంది.ఇక ఆది పురుష్ సినిమాతో భారీ డిజాస్టర్ అందుకున్న ప్రభాస్ ఈ సినిమాతో ఖచ్చితంగా భారీ బ్లాక్ బస్టర్ అందుకోవడం ఖాయమని ఫ్యాన్స్ భావిస్తున్నారు. చూడాలి సలార్ ఎన్ని రికార్డులు బద్దలు కొడుతుందో..
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

salaar

Purushottham Vinay

06/07/2023 05:23 PM