టాలీవుడ్ మాస్ డైరెక్టర్ బోయపాటి రామ్ కాంబినేషన్లో వచ్చిన తాజా సినిమా స్కంద.తాజాగా ఈ సినిమా ప్రపంచవ్యాప్తంగా తెలుగుతోపాటు హిందీ తమిళ కన్నడ కన్నడ మలయాళ భాషల్లో సైతం విడుదల అయింది. ఆడియన్స్ నుండి ఈ సినిమాకి మంచి రెస్పాన్స్ లభిస్తుంది. ఈ నేపథ్యంలోనే ఈ సినిమాకి సీక్వెల్ కూడా ఉండబోతుందట. ఇదే విషయాన్ని బోయపాటి మూవీ క్లైమాక్స్ లో సీక్వెల్ గురించి హింట్ ఇవ్వడం ఇప్పుడు సర్వత్ర ఆసక్తికరంగా మారింది. ఎవరూ ఊహించని విధంగా 'స్కంద' క్లైమాక్స్ లో సీక్వెల్ పై అదిరిపోయే అప్డేట్ ఇచ్చి ఫ్యాన్స్ ని సర్ప్రైజ్ చేశారు బోయపాటి శ్రీను. సినిమా చివర్లో 'స్కంద' 2 ఉంటుందని అనౌన్స్ చేశారు.
'స్కంద' సీక్వెల్ అనౌన్స్మెంట్ తో రామ్ పోతినేని ఫాన్స్ అయితే పండగ చేసుకుంటున్నారు. 'స్కంద' తర్వాత బాలయ్యతో 'అఖండ' సీక్వెల్ని తెరకెక్కించబోతున్నారు బోయపాటి. దాని తర్వాతే 'స్కంద 2' సెట్స్ పైకి వెళ్లే అవకాశం ఉన్నట్లు సమాచారం. అయితే 'స్కంద' మూవీకి సీక్వెల్ ఉంటుందని రిలీజ్ కి ముందు మూవీ టీం ఎక్కడా రివీల్ చేయకుండా ఒక్కసారిగా సినిమా క్లైమాక్స్ లో సర్ప్రైజ్ ఇవ్వడంతో ప్రస్తుతం సినీ లవర్స్ 'స్కంద' సీక్వెల్ పై ఆసక్తి కనబరుస్తున్నారు. కాగా కెరీర్లో మొట్టమొదటిసారి రామ్ ఊర మాస్ పాత్రలో నటించిన సినిమా ఇది. ఇందులో బోయపాటి రామ్ ని రెండు డిఫరెంట్ వేరియేషన్స్ తో కూడిన క్యారెక్టర్స్ లో చూపించారు.
ఫ్యాన్స్ తో పాటు మాస్ ఆడియన్స్ కి నచ్చే విధంగా బోయపాటి తరహా హై వోల్టేజ్ యాక్షన్, మాస్ సీన్స్, కమర్షియల్ ఎలిమెంట్స్ తో 'స్కంద' ప్రస్తుతం థియేటర్స్ లో సందడి చేస్తోంది. కథ రొటీన్ గానే ఉన్న సినిమాలో మాస్ సీన్స్, యాక్షన్ ఎపిసోడ్స్, రామ్ ని మాస్ క్యారెక్టర్ లో ప్రజెంట్ చేసిన విధానం మెప్పించేలా ఉంది. అలాగే తమన్ BGM తో పాటు శ్రీ లీల గ్లామర్, డాన్స్ లపై కూడా ఆడియన్స్ ప్రశంసలు కురిపిస్తున్నారు. సినిమాలో మెయిన్ హైలెట్ అంటే రామ్ గురించి మాట్లాడుకుంటున్నారు. రెండు డిఫరెంట్ వేరియేషన్స్ తో రామ్ సినిమా మొత్తాన్ని తన భుజాలపై మోసినట్లు తెలుస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి