ఇప్పుడు ఈ పరిస్థితి తాజాగా రిలీజ్ అయిన “ఓజీ” సినిమాకి కూడా వర్తించింది. సుజాత దర్శకత్వంలో తెరకెక్కిన ఈ మచ్ అవైటెడ్ ప్రాజెక్ట్‌లో ప్రియాంక మోహన్ హీరోయిన్‌గా, ప్రకాష్ రాజ్, ఇమ్రాన్ యష్మీ, అర్జున్ దాస్ వంటి టాలెంటెడ్ నటులు కీలక పాత్రల్లో నటించారు. భారీ అంచనాల మధ్య రిలీజ్ అయిన ఈ సినిమా మొదటి షో నుంచే పాజిటివ్ టాక్ సొంతం చేసుకుంది. కేవలం మంచి టాక్ మాత్రమే కాదు, పవన్ కళ్యాణ్ అభిమానుల హృదయాల్లో పూనకాల వాతావరణాన్ని సృష్టించింది. ముఖ్యంగా పవన్ కళ్యాణ్ ఎంతో ఇష్టపడి నేర్చుకున్న మార్షల్ ఆర్ట్స్‌కి ఈ సినిమాలో అద్భుతమైన వినియోగం దొరకడంతో ప్రేక్షకులు సూపర్‌గా కనెక్ట్ అయ్యారు. గన్ కల్చర్‌తో కలిపి చూపించిన యాక్షన్ ఎపిసోడ్స్ థియేటర్లలో ఫ్యాన్స్ హర్షధ్వానాలతో మారుమార్మోగేలా చేశాయి. ఫలితంగా సినిమా పాజిటివ్ టాక్ సంపాదించడమే కాకుండా బాక్సాఫీస్ వద్ద మంచి కలెక్షన్స్ రాబడుతూ ప్రాఫిట్స్ కురిపిస్తోంది.
అయితే, ఈ విజయాన్ని జీర్ణించుకోలేని కొంతమంది సోషల్ మీడియా వర్గాలు మరోసారి తమ అసలు రంగు బయటపెట్టాయి. సినిమా హిట్ అయినా, ఫ్యాన్స్ సంబరాలు చేసుకుంటున్నా, వారు మాత్రం కడుపుమంటతో పైశాచిక ఆనందం పొందే ప్రయత్నం చేస్తున్నారు. “ఓజీ” విషయంలో పవన్ కళ్యాణ్ అభిమానులను మోసం చేశారంటూ ఘాటైన కామెంట్స్ చేస్తున్నారు. టికెట్ కొని కష్టపడి థియేటర్లకు వెళ్లిన ఫ్యాన్స్‌కు పవన్ కళ్యాణ్ స్క్రీన్ టైమ్ చాల తక్కువగా కనిపించిందని, ఫస్ట్ హాఫ్‌లో ఆయన రేర్‌గా మాత్రమే దర్శనమిచ్చారని నెగిటివ్ పాయింట్స్‌ని ఎత్తి చూపుతున్నారు. అంతేకాకుండా, “కధలేని సినిమాలో పవన్ కళ్యాణ్ నటించాడు. కేవలం తన అభిమానుల్ని సంతోషపెట్టడానికి మాత్రమే గన్ కల్చర్‌ను ఎంకరేజ్ చేశారు” అంటూ అసలు అర్థం పర్థం లేని ట్రోలింగ్ చేస్తున్నారు.
దీని పట్ల పవన్ కళ్యాణ్ అభిమానులు కూడా ఏ మాత్రం వెనకడుగు వేయకుండా కౌంటర్స్ ఇస్తున్నారు. “సినిమా హిట్ అయింది, పాజిటివ్ టాక్ వచ్చింది, బాక్సాఫీస్ వద్ద సత్తా చాటుతోంది. అయినా మీకు కడుపుమంట తగ్గడం లేదు. అసలు హిట్ అయ్యింది అని ఎంజాయ్ చేయలేకపోతే మీ సమస్య ఏంటి?” అంటూ ఓపెన్‌గా రిప్లై ఇస్తున్నారు. ఒక్కొక్క కామెంట్ మరీ మరీ ఘాటుగా ఉండటంతో సోషల్ మీడియాలో అభిమానుల-వ్యతిరేకుల మధ్య వార్ జరుగుతోంది. మొత్తానికి పవన్ కళ్యాణ్ ఏం చేసినా, ఏం సాధించినా, ఆయన విజయాన్ని చూసి ఇర్ష్య పడకుండా ఉండలేని నెగిటివ్ వర్గం మళ్లీ మరోసారి తమ వైఖరిని బయటపెట్టింది. కానీ పవన్ కళ్యాణ్ అభిమానులు మాత్రం ఎప్పటిలాగే అలర్ట్‌గా ఉంటూ ప్రతి ఒక్క నెగిటివ్ ట్రోల్‌కి వెంటనే కౌంటర్ ఇవ్వడం ద్వారా తమ పవర్ స్టార్‌ని డిఫెండ్ చేస్తున్నారు. సినిమాకు వచ్చిన పాజిటివ్ రిపోర్ట్స్, బాక్సాఫీస్ సక్సెస్‌తో ఉత్సాహంగా సంబరాలు చేసుకుంటున్న సమయంలో ఈ నెగిటివ్ వార్ మరింతగా హీట్ పెంచుతోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి