വട്ടിയൂർക്കാവിൽ യുഡിഎഫ് വന്നാൽ മുഖ്യമന്ത്രിയാകുന്നതാര്? നിലപാട് വ്യക്തമാക്കി എംഎം ഹസൻ! ഭരണത്തുടർച്ച ഉറപ്പാണെന്ന വിശ്വാസത്തിലാണ് എൽഡിഎഫ്. സംസ്ഥാനത്ത് ഭരണവിരുദ്ധ വികാരം ശക്തമായിരുന്നുവെന്നും ഭരണത്തുടർച്ച ഉണ്ടാകില്ലെന്നും യുഡിഎഫ് വ്യക്തമാക്കുന്നുണ്ട്. ഇതിനിടെ യുഡിഎഫ് പ്രതീക്ഷയോടെ കാണുന്ന വട്ടിയൂർക്കാവിലെ സ്ഥാനാർഥി വീണ എസ് നായരുടെ പോസ്‌റ്ററുകൾ ആക്രിക്കടയിൽ കണ്ടെത്തിയ സംഭവത്തിൽ കെപിസിസി പ്രസിഡൻ്റ് മുല്ലപ്പള്ളി രാമചന്ദ്രൻ സ്വീകരിച്ച നടപടികളെ പരോക്ഷമായി വിമർശിച്ച് യുഡിഎഫ് കൺവീനർ എംഎം ഹസൻ രംഗത്തുവന്നു. മലയാള മനോരമയ്‌ക്ക് നൽകിയ അഭിമുഖത്തിലാണ് അദ്ദേഹം നിലപാട് വ്യക്തമാക്കിയത്. നിയമസഭാ തെരഞ്ഞെടുപ്പ് ഫലം പുറത്തുവരാൻ ദിവസങ്ങൾ മാത്രമാണ് അവശേഷിക്കെ ജയസാധ്യതകൾ ഇടത് - വലത് മുന്നണികൾ വിലയിരുത്തി.
വട്ടിയൂർക്കാവിലെ സ്ഥാനാർഥി വീണ എസ് നായരുടെ പോസ്‌റ്ററുകൾ ആക്രിക്കടയിൽ കണ്ടെത്തിയ സംഭവത്തിൽ കൂടുതൽ വിവരങ്ങൾ വ്യക്തമാക്കാൻ എംഎം ഹസൻ തയ്യാറായില്ല. ഈ വിഷയത്തിൽ അന്വേഷണ സമിതിയെ വെക്കാൻ തീരുമാനമുണ്ടായ വിവരം പത്രത്തിലൂടെയാണ് അറിഞ്ഞതെന്ന് അദ്ദേഹം വിമർശിച്ചു. പല കാര്യങ്ങളും ഇങ്ങനെയാണ് അറിയുന്നത്. നിയമസഭാ തെരഞ്ഞെടുപ്പ് ഫലം പുറത്തുവന്നതിന് ശേഷം മാത്രം മതിയായിരുന്നു കെപിസിസിയുടെ ഇടപെടൽ. സംഭവത്തിൽ ഉടൻ തന്നെ ഡിസിസി നടപടിയെടുത്തിരുന്നു. കെപിസി സ്വീകരിക്കുന്ന തീരുമാനങ്ങളെല്ലാം പരസ്യമായി എതിർക്കാൻ പാടില്ലല്ലോ എന്നും അദ്ദേഹം പറഞ്ഞു. എല്ലാ സമുദായ നേതാക്കളെയും ഹസൻ കാണുന്ന കാര്യം തനിക്കറിയാമെന്ന കെപിസിസി പ്രസിഡൻ്റിൻ്റെ പ്രസ്‌താവന കോൺഗ്രസിനെയും യുഡിഎഫിനെയും പ്രതിരോധത്തിലാക്കി. വെൽഫെയർ പാർട്ടിയുടെ മുൻകാല സിപിഎം ബന്ധം ചൂണ്ടിക്കാട്ടി സിപിഎം പ്രചാരണത്തെ അങ്ങോട്ട് കയറി പ്രതിരോധിക്കേണ്ട ഘട്ടത്തിലാണ് കെപിസിസി പ്രസിഡൻ്റ് അത്തരമൊരു പ്രസ്‌താവന നടത്തിയത്. ഇതോടെയാണ് കോൺഗ്രസ് പ്രതിരോധത്തിലായതെന്നും ഹസൻ പറഞ്ഞു.
കഴിഞ്ഞ തദ്ദേശ തെരഞ്ഞെടുപ്പിൽ വെൽഫെയർ പാർട്ടിയുമായുള്ള ബന്ധം യുഡിഎഫിനെ സമ്മർദ്ദത്തിലാഴ്‌ത്തിയ സംഭവത്തിലടക്കം മുല്ലപ്പള്ളി രാമചന്ദ്രനെ യുഡിഎഫ് കൺവീനർ എംഎം ഹസൻ പരോക്ഷമായി വിമർശിച്ചു. വെൽഫെയർ പാർട്ടിയുമായുള്ള ബന്ധം വിവാദമാക്കിയത് സിപിഎം ആണ്. ജയിച്ചുവരുന്ന എംഎൽഎമാരുടെയും ഹൈക്കമാൻഡിൻ്റെയും നിർദേശവും അഭിപ്രായവും പരിഗണിച്ചാകും മുഖ്യമന്ത്രിയെ തെരഞ്ഞെടുക്കുക. പ്രതിപക്ഷ നേതാവ് രമേശ് ചെന്നിത്തല, മുൻ മുഖ്യമന്ത്രി ഉമ്മൻ ചാണ്ടി എന്നിവരുടെ നേതൃത്വത്തിലാണ് യുഡിഎഫ് ഈ തെരഞ്ഞെടുപ്പിനെ നേരിട്ടത്. ഇരുവരും മത്സരരംഗത്ത് ഉണ്ടായിരുന്നത് കൊണ്ടാണ് മുഖ്യമന്ത്രി ആരാകുമെന്ന ചോദ്യവും ഉയർന്നുവരുന്നത്.
ഹൈക്കമാൻഡിന്റെ തീരുമാനമാണ് യുഡിഎഫിൻ്റെയും കോൺഗ്രസിൻ്റെയും കാര്യത്തിൽ നിർണായകമാകുകയെന്നും മനോരമയ്‌ക്ക് നൽകിയ അഭിമുഖത്തിൽ ഹസൻ വ്യക്തമാക്കുന്നുണ്ട്. മുഖ്യമന്ത്രി ആരാകണമെന്ന കാര്യത്തിൽ തർക്കമില്ലാതെ തീരുമാനം ഉണ്ടാകുമെന്നും ഹസൻ വ്യക്തമാക്കി. യുഡിഎഫ് വിജയിച്ച് നിൽക്കണമെന്നാണ് ജനങ്ങൾ ആഗ്രഹിക്കുന്നത്. ജനങ്ങളുടെ ഭാഗത്ത് നിന്നുമുണ്ടാകുന്ന ഈ സ്‌പിരിറ്റ് ഉൾക്കൊണ്ട് ഐക്യത്തോടെയാകും തീരുമാനം ഉണ്ടാകുക. ഇതിൻ്റെ പേരിൽ തല്ല് പിടിക്കാൻ പോയാൽ ജനങ്ങൾ യുഡിഎഫിന് എതിരാകും. ഭരണം നഷ്‌ടമാകുമ്പോൾ മുഖ്യമന്ത്രി ആയിരുന്ന ആളാണ് പ്രതിപക്ഷനേതാവാകുന്നത്.
Find out more:
click and follow Indiaherald WhatsApp channel