వన్లవేనా చేసిన వ్యాఖ్యలు రెండు రాష్ట్రాల మధ్య వివాదానికి మరింత ఆజ్యం పోసినట్లుగా ఉంది. గొడవ సద్దుమణుగుతున్న సమయంలో ఎంపీ ఈ తరహా వ్యాఖ్యలు చేయడంపై అసోం ప్రజలు తీవ్ర ఆగ్రహం వ్యక్తం చేశారు. ప్రజా ప్రతినిధిగా ఉన్న వ్యక్తి రెచ్చగొట్టేలా వ్యాఖ్యానించడం దారుణమన్నారు. అటు అసోం పోలీసులు కూడా ఎంపీ వన్లవేనాపై గుర్రుగా ఉన్నారు. మీడియాలో వచ్చిన కథనాల ఆధారంగా ఎంపీపై కేసు నమోదు చేసిన అసోం పోలీసులు... ఆయనను విచారించేందుకు సిద్ధమయ్యారు. పార్లమెంట్ సమావేశాలు జరుగుతున్నందున ఎంపీ వన్లవేనాను విచారించేదుకు ఆరుగురు సభ్యులతో కూడిన అసోం పోలీసుల ప్రత్యేక బృందం... ఢిల్లీ వెళ్లింది. అటు దాడి చేసిన వారి వివరాలు తెలిపిన వారికి రూ.5 లక్షల రూపాయలు నజరానా ప్రకటించింది అసోం ప్రభుత్వం. ఈ గొడవల్లో ఆరుగురు పోలీసులు మృతి చెందగా... మరో 40 మంది తీవ్రంగా గాయపడ్డారు.
