దేశ గర్వాన్ని కాపాడేందుకు ‘ఆపరేషన్ విజయ్’ పేరిట యుద్ధ రంగంలోకి దిగిన మన జవాన్లు, శత్రువులను తోక ముడిపెట్టి పారిపోయేలా చేశారు. అదే జులై 26న, భారత్ విజయాన్ని అధికారికంగా ప్రకటించడంతో.. ఈ రోజును ప్రతీ సంవత్సరం కార్గిల్ విజయ్ దివస్‌గా జరుపుకుంటున్నాం. ఈ సందర్భంగా భారత వాయుసేన ప్రత్యేక వీడియోను విడుదల చేస్తూ, అమరవీరుల ధైర్యానికి ఘన నివాళి అర్పించింది. “వీర జవాన్ల త్యాగం దేశ ప్రజలకు స్ఫూర్తిగా నిలుస్తుంది” అని పేర్కొంది. ప్రధాని నరేంద్ర మోదీ కూడా ఎక్స్‌ వేదికగా స్పందిస్తూ – ‘‘దేశ గౌరవాన్ని కాపాడేందుకు ప్రాణాలు అర్పించిన సైనికుల త్యాగం మరువలేం. వారి వలే ధైర్యవంతులే నిజమైన దేశభక్తులు’’ అంటూ ప్రశంసల వర్షం కురిపించారు.
రక్షణ మంత్రి రాజ్‌నాథ్‌ సింగ్‌.. ‘‘కఠిన భూభాగాల్లో అసాధారణ ధైర్యంతో పోరాడిన వీరులకు ఈ దేశం ఎప్పటికీ రుణపడి ఉంటుంది’’ అంటూ ట్వీట్ చేశారు. లద్దాఖ్‌లోని కార్గిల్ సెక్టార్‌ పరిధిలో కేంద్ర మంత్రులు మన్సుఖ్ మాండవీయ, సంజయ్ సేథ్‌లు పాల్గొని స్థానిక విద్యార్థులతో కలిసి ర్యాలీ నిర్వహించారు. దేశభక్తితో ఊగిపోతున్న ఈ ర్యాలీలో ‘భారత్ మాతా కి జై’, ‘కార్గిల్ వీరులకు వందనాలు’ వంటి నినాదాలు మారుమోగాయి. ఈ రోజు ఒక్క జయోత్సవం కాదు... దేశ భద్రత కోసం ప్రాణాలు అర్పించిన ప్రతి వీర జవానుకు శతకోటిలు వందనాలు చెప్పే గౌరవ దినం! కార్గిల్ వీరుల త్యాగాన్ని యావత్తు భారతదేశం గుండెల్లో నిలుపుకుంటూ, ఈ విజయ దినోత్సవాన్ని స్ఫూర్తిదాయకంగా మార్చుకుంటోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి