వృద్ధికి వెనుక ఉన్న ప్రధాన శక్తులు: ఈ ఆర్థిక విజయానికి రెండు ముఖ్య కారక శక్తులు ఉన్నాయి – వ్యవసాయం మరియు ఐటీ రంగం. వ్యవసాయ రంగాన్ని ఆధునికీకరిస్తూ, మార్కెట్ లింకేజ్ మెరుగుపరుస్తూ ప్రభుత్వ పథకాలు నేరుగా రైతుల ఆదాయాన్ని పెంచుతున్నాయి. మరోవైపు, విశాఖపట్నం కేంద్రంగా ఐటీ, ఐటీఈఎస్ రంగాలు పరుగులు తీస్తున్నాయి. ఇక్కడి ఐటీఐఆర్ ప్రాజెక్టు ద్వారా ₹3.11 లక్షల కోట్ల పెట్టుబడులు, 15 లక్షల ఉద్యోగాలు భవిష్యత్తులో అంచనా వేయబడుతున్నాయి. ఈ విధంగా ఉద్యోగ అవకాశాలు, ఆదాయ వృద్ధి, ఖర్చుల నియంత్రణ – మూడు ఫ్రంట్‌ల మీద స్టేట్ అభివృద్ధికి దారితీస్తోంది.
భవిష్యత్తుపై అంచనాలు: ఈ వేగం కొనసాగితే 2050 నాటికి ఆంధ్రప్రదేశ్ జీడీపీ $3 ట్రిలియన్ స్థాయికి చేరుతుందని ఆర్థిక నిపుణులు అంచనా వేస్తున్నారు. ఈ అభివృద్ధి రేటుతో 'సింగపూర్ జీడీపీ ($900 బిలియన్లు)'ని కూడా అధిగమించే అవకాశముందని విశ్లేషకులు చెబుతున్నారు. ఇంకా ముందున్న సవాళ్లు: ఊపుని నిలుపుకోవాలంటే – పెట్టుబడులకి ప్రోత్సాహం, పారదర్శక పాలన, స్థిరమైన విధానాలు అవసరం. గతంలో చేసిన తప్పులను పునరావృతం చేయకుండా, పటిష్ట ఆర్థిక పాలనతో ముందుకెళ్లాలి. మొత్తంగా చెప్పాలంటే, ఆంధ్రప్రదేశ్ ఆర్థికంగా గోల్డెన్ ట్రాక్ మీద పయనిస్తోంది. ఇప్పటివరకు వేసిన పునాది బలంగా ఉంది – ఇప్పుడు అవసరం.. దాన్ని నిలబెట్టుకోవడమే!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి