రేవంత్ రెడ్డి మాట్లాడుతూ—అసెంబ్లీ ఎన్నికల అనంతరం హైదరాబాద్ ప్రజల్లో కాంగ్రెస్ పట్ల నమ్మకం రోజురోజుకు పెరుగుతుందని అన్నారు. ప్రజలు చూపిన విశ్వాసం, కాంగ్రెస్ నాయకత్వంపై చూపిన ప్రేమ, అభిమానం ఈ విజయానికి ప్రధాన కారణమని స్పష్టం చేశారు. “ప్రజలు మా పనితీరును గమనిస్తున్నారు. మా ప్రభుత్వం రెండు సంవత్సరాలపాటు చేపట్టిన కార్యకలాపాలను, సంక్షేమ కార్యక్రమాలను నిశితంగా పరిశీలించి మాకు ఈ తీర్పు ఇచ్చారు. ఈ విజయం ప్రజల ఆశలు, ఆకాంక్షలను నెరవేర్చాల్సిన బాధ్యతను మరింత పెంచింది” అని సీఎం పేర్కొన్నారు ..
జూబ్లీహిల్స్ ప్రజలు నవీన్ యాదవ్‌కు ఒగ్గిన భారీ మెజార్టీ తమ ప్రభుత్వంపై ఉన్న నమ్మకానికి నిదర్శనమని రేవంత్ రెడ్డి అభిప్రాయపడ్డారు ... ఈ సందర్భంగా విజయం అందించిన జూబ్లీహిల్స్ ఓటర్లకు హృదయపూర్వక ధన్యవాదాలు తెలిపారు. అలాగే విజయం కోసం కష్టపడ్డ పార్టీ శ్రేణులు, కార్యకర్తలు, నేతలందరికీ ప్రత్యేకంగా కృతజ్ఞతలు తెలిపారు. ఈ సమావేశంలో పీసీసీ అధ్యక్షుడు మహేశ్ కుమార్ గౌడ్‌, ఉప ముఖ్యమంత్రి భట్టి విక్రమార్క, మంత్రులు, ఎమ్మెల్యేలు, ప్రముఖ నాయకులు పాల్గొన్నారు. పార్టీ భవిష్యత్ కార్యక్రమాలు, ప్రజలకు మరింత చేరువయ్యే విధానాలపై ఈ అవకాశాన్ని ఉపయోగించుకుంటామని సీఎం తెలిపారు. జూబ్లీహిల్స్ విజయం రాష్ట్ర రాజకీయాల్లో కాంగ్రెస్ ఆధిక్యాన్ని మరింత బలపరుస్తుందన్నారు ..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి