టీడీపీ అధినేత చంద్రబాబు 2018లో ఎన్డీయేను వీడి, 2019లో ఎదురైన ఘోర పరాజయాన్ని గుణపాఠంగా తీసుకున్నారు. అందుకే, 2024లో బీజేపీతో తిరిగి చేరి అద్భుత ఫలితాలు అందుకున్నారు. ఈ విజయం తర్వాత, "దేశంలో మోదీ అంతటి ప్రజాదరణ ఉన్న నాయకుడు మరొకరు లేరు" అని బాబు బహిరంగంగా ప్రశంసించడం, మోదీ పట్ల ఆయనకున్న విశ్వాసాన్ని చాటింది. ఇక 2029లో కూడా మోదీ-బాబు జోడీ విజయవంతంగా ముందుకు సాగడం ఖాయమని రాజకీయ విశ్లేషకులు చెబుతున్నారు. నితీష్ మార్పు: మోదీ చరిష్మా ముందు తలవంచక తప్పలేదు! .. మరోవైపు, బీహార్‌లో నితీష్ కుమార్ కూడా ఒకసారి మోదీని, ఎన్డీయేను విడిచిపెట్టారు. 2022లో ఆర్జేడీతో జతకట్టి 'ఇండియా' కూటమి ఏర్పాటులో కీలక పాత్ర వహించారు. అయితే, ఆ కూటమిలో సరైన ప్రాధాన్యత దక్కకపోవడం, దేశవ్యాప్తంగా మోదీ చరిష్మా తిరుగులేని విధంగా ఉండటంతో... నితీష్ మళ్లీ ఎన్డీయే గూటికే వచ్చారు. "మోదీతోనే ఎప్పటికీ జట్టు. ఇదే నా ఒట్టు" అని ప్రకటించారు.
తాజాగా జరిగిన బీహార్ ఎన్నికల్లో బీజేపీతో కలిసి జేడీయూ అద్భుత సీట్లు సాధించి, నితీష్ ఫుల్ ఖుషీ అయ్యారు. నితీష్ కుమార్ మోదీని ఒక ప్రియమైన స్నేహితుడిగా, గురూజీగా చూస్తున్నారు. గతంలో మోదీ సభల్లో నితీష్ ప్రసంగిస్తున్నప్పుడు, మోదీని చూసి సాష్టాంగ ప్రణామం చేసి, చప్పట్లు కొట్టమని జనాలను కోరడం వారిద్దరి స్నేహబంధానికి నిదర్శనం. స్నేహ బంధం... శాశ్వతం! .. నరేంద్ర మోదీ కూడా నితీష్‌ను ఆలింగనం చేసుకుని తన స్నేహాన్ని చాటుకుంటే, సీనియర్ నేత అయిన చంద్రబాబుకు ఎంతో గౌరవం, మర్యాద ఇస్తూ "బాబు మా మిత్రుడు" అని పదేపదే ప్రకటించారు. రాజకీయాల్లో ఎన్నో ఒడిదొడుకులు చూసిన ఈ ముగ్గురు స్నేహితులు, ఇప్పుడు ఒకరి గురించి మరొకరు పూర్తిగా తెలుసుకున్నారు. ఈ బంధం శాశ్వతం అని గట్టిగా చెప్పుకుంటూ ముందుకు కదులుతున్నారు. తమ వ్యూహాలు, చాణక్యాలు కలిస్తే ప్రత్యర్థులకు చుక్కలే అని రాజకీయ పండితులు గట్టిగా నొక్కి చెబుతున్నారు. ఈ త్రయం బంధం ఇలాగే కొనసాగితే, కేంద్రంలో ఎన్డీయే ప్రభుత్వాన్ని కదిలించే శక్తి ప్రస్తుతానికి లేదనేది సత్యం!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి