నలభై ఒక్క రోజుల పాటు సాగిన సుదీర్ఘ పోరాటం, అలుపెరగని ప్రచారం తర్వాత కూడా వైఎస్ జగన్ మోహన్ రెడ్డి నేతృత్వంలోని వైఎస్సార్ కాంగ్రెస్ పార్టీకి 2024 ఆంధ్రప్రదేశ్ సార్వత్రిక ఎన్నికల్లో ఊహించని షాక్ తగిలింది. ఆ ఫలితాలు చూసి రాజకీయ విశ్లేషకులతో పాటు సామాన్య జనంలో సైతం వైసీపీ పని అయిపోయిందని, జగన్ శకం ముగిసిందని భావించిన వారు అనేకం. అయితే రాజకీయాల్లో పరిస్థితులు ఎప్పుడూ ఒకేలా ఉండవు, 'ఓడలు బండ్లు, బండ్లు ఓడలు' కావడం సర్వసాధారణం. ఈ నానుడికి అద్దం పడుతూ, ఇటీవల హైదరాబాద్‌లో వైఎస్ జగన్కు లభించిన ప్రజాదరణ ఇతర పార్టీల నేతలకు, విశ్లేషకులకు ఆశ్చర్యం కలిగిస్తోంది.
ఆంధ్రప్రదేశ్ రాష్ట్రానికే పరిమితమైన పార్టీగా, తెలంగాణ రాజకీయాల్లో క్రియాశీలక పాత్ర లేకపోయినా.. జగన్కు హైదరాబాద్ నగరంలో దక్కిన స్వాగతం, అభిమానం అపూర్వం. పార్టీ ఓటమి తర్వాత దాదాపు అజ్ఞాతంలోకి వెళ్లిపోయిన నాయకుడు ఒక్కసారిగా బహిరంగ వేదికపైకి రాగానే, జనం నుంచి వెల్లువెత్తిన స్పందన వైఎస్సార్ అభిమానుల్లో కొత్త జోష్ నింపింది. జగన్ ఎక్కడికి వెళ్లినా.. అది వ్యక్తిగత కార్యక్రమమైనా, బహిరంగ సభ అయినా.. జనం నుంచి వస్తున్న అపూర్వ స్పందన వైసీపీ శ్రేణుల్లో నమ్మకాన్ని పెంచింది.
హైదరాబాద్‌లోని ఈ అనూహ్య ప్రజాదరణ.. వైఎస్ జగన్కు తెలుగు రాష్ట్రాల్లో ఇప్పటికీ ఉన్న బలమైన 'ఫాలోయింగ్'కు నిదర్శనంగా నిలుస్తోంది. ఆంధ్రప్రదేశ్ రాష్ట్రంలో జరిగిన పరాజయాన్ని పక్కన పెడితే, వ్యక్తిగతంగా వైఎస్ జగన్‌పై ప్రజల్లో ఉన్న అభిమానం చెక్కుచెదరలేదని ఈ దృశ్యాలు రుజువు చేస్తున్నాయి. ఓటమి తర్వాత లభించిన ఈ ఆదరణను చూస్తే, భవిష్యత్తులో వైఎస్ జగన్ మళ్లీ చేపట్టినట్లయితే, ఆయన పాదయాత్రకు సైతం గతంలో వచ్చిన స్పందన కంటే అంచనాలకు మించిన రెస్పాన్స్ వచ్చే అవకాశం ఉందని రాజకీయ వర్గాలు భావిస్తున్నాయి. వైఎస్ రాజశేఖర రెడ్డి తరహాలోనే, ఆయన తనయుడికి కూడా ప్రతికూల పరిస్థితుల్లో లభిస్తున్న ఈ మద్దతు.. వైసీపీకి పునరుత్తేజాన్ని ఇస్తోందనడంలో సందేహం లేదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి