అయితే సాదాసీదా మ్యాచ్ వస్తుంటే కళ్లార్పకుండా చూసే ప్రేక్షకులు అసలు సిసలైన క్రికెట్ ఎంటర్ టైన్ మెంట్ కు కేరాఫ్ అడ్రస్ అయిన ఐపీఎల్ టోర్నీ వస్తుందంటే మరింత ఆతృతగా ప్రత్యక్షంగా వీక్షించడానికి ఆసక్తి చూపుతుంటారు. ఈ క్రమంలోనే ఐపీఎల్ కు ప్రేక్షకులను స్టేడియానికి అనుమతిస్తారా లేదా అని ఎంతోమంది ఆతృతగా ఎదురు చూశారు. ఈ క్రమంలోనే కరోనా వైరస్ వ్యాప్తిని దృష్టిలో పెట్టుకొని కేవలం 25 శాతం మంది ప్రేక్షకులను మాత్రమే అనుమతిస్తున్నట్లు బీసీసీఐ తెలిపింది. ఈ క్రమంలోనే కొంత మంది ప్రేక్షకులు సంతోషపడి పోతే మరి కొంతమంది మాత్రం కాస్త ఎక్కువ మంది ప్రేక్షకులను అనుమతిస్తే వీళ్ళ సొమ్మేం పోతుందో అంటూ తిట్టుకున్నారు కూడా.
ఇటీవలే ఐపీఎల్ అభిమానుల ఉత్సాహాన్ని రెట్టింపు చేసే విధంగా బీసీసీఐ సంచలన నిర్ణయం తీసుకుని అందరికీ శుభ వార్త చెప్పింది. ఏప్రిల్ 6వ తేదీ నుంచి ఐపీఎల్ మ్యాచ్లు జరిగే అన్ని స్టేడియం లలో కూడా 50 శాతం కెపాసిటీ తో ప్రేక్షకులను అనుమతించ పోతున్నట్లు బీసీసీఐ ప్రకటించింది. ఏప్రిల్ 6వ తేదీన కోల్కతా నైట్రైడర్స్ ముంబై ఇండియన్స్ మధ్య మ్యాచ్ జరగబోతుంది. ఇక ఈ మ్యాచ్ లో 50 శాతం ఆక్యుపెన్సీ నిబంధనలు అమలు కాబోతున్నట్లు తెలుస్తోంది. ఇక శనివారం నుంచి మహారాష్ట్ర కరోనా నిబంధనలు ఎత్తి వేస్తున్న తరుణంలో బీసీసీఐ ఇలాంటి నిర్ణయం తీసుకుంది అన్నది తెలుస్తుంది.