వివరాల్లోకి వెళితే, లక్ష్మణ్ రాత్రిపూట రొయ్యల చెరువుల వద్దే కాపలా ఉంటూ అక్కడే నిద్రపోవడం అలవాటయింది. ఇదే అదునుగా నాగమణి, గతంలో తాను ఓ ప్రైవేటు కాలేజీలో కంప్యూటర్ ఆపరేటర్‌గా పనిచేసినప్పుడు పరిచయమైన మణికంఠ అనే కాలేజీ కుర్రాడితో వివాహేతర బంధాన్ని కొనసాగిస్తోంది. ఈ అక్రమ సంబంధం వారి పిల్లల కళ్లెదుటే సాగుతుండటం గమనార్హం. "మమ్మీ, నేను, అక్క పడుకున్నప్పుడు ఆ బాలన్ (మణికంఠ) వచ్చి మా పక్కన పడుకున్నాడు" అని ఓ చిన్నారి చెప్పిన మాటలు పరిస్థితి తీవ్రతకు అద్దం పడుతున్నాయి.
సోమవారం రాత్రి కూడా లక్ష్మణ్ యథావిధిగా చెరువులకు వెళ్లాడు. కానీ విధి మరోలా తలచింది. చెరువుల వద్ద విద్యుత్ సరఫరా నిలిచిపోవడంతో, "ఇంట్లోనే సేదతీరి ఉదయాన్నే వెళ్దాంలే" అని అర్ధరాత్రి వేళ లక్ష్మణ్ ఇంటికి తిరిగొచ్చాడు. ఇంటి తలుపులు ఎంతకీ తీయకపోవడం, ఫోన్ చేసినా స్పందన లేకపోవడంతో అనుమానం పెనుభూతమైంది. కిటికీలోంచి చూడగా, లోపల భార్య నాగమణి, ప్రియుడు మణికంఠ ఏకాంతంగా కనిపించడంతో లక్ష్మణ్ గుండె ఆగినంత పనైంది. "ఫోన్ చేస్తుంటే ఎత్తట్లేదు, పక్కన ఎవరున్నారంటే పిల్లలు అని అబద్ధం చెప్పింది. కానీ పిల్లలు వేరేచోట ఉన్నారని తెలిసి ఆమె నాటకం బయటపడింది. కావాలనే తలుపు తీయడం లేదని అర్థమైంది" అంటూ లక్ష్మణ్ ఆవేదన వ్యక్తం చేశాడు.
వెంటనే తేరుకున్న లక్ష్మణ్, బయటి నుంచి తలుపులకు గొళ్లెం పెట్టి, చుట్టుపక్కల వారిని, బంధువులను అప్రమత్తం చేసి, పోలీసులకు సమాచారం అందించాడు. హుటాహుటిన సంఘటనా స్థలానికి చేరుకున్న పోలీసులు, నాగమణిని, ఆమె ప్రియుడు మణికంఠను అదుపులోకి తీసుకున్నారు. వారిపై కేసు నమోదు చేసి, దర్యాప్తును ముమ్మరం చేశారు. ఈ ఘటనతో కాకినాడలో కలకలం రేగింది. నమ్మినవారిని నట్టేట ముంచిన ఇలాంటి ఘటనలు కుటుంబ వ్యవస్థకే పెను సవాల్ విసురుతున్నాయని స్థానికులు చర్చించుకుంటున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి