అమరావతిలో జరిగిన ఇన్ సైడర్ ట్రేడింగ్  విషయంలో  హై కోర్టు ఇచ్చిన గ్యాగ్ ఆర్డర్ పై ఎల్లోబ్యాచ్ కు సుప్రింకోర్టు షాకిచ్చిందనే అనుకోవాలి. గ్యాగ్ ఆర్డర్ చెల్లదంటూ హైకోర్టు ఆర్డర్ పై సుప్రికోర్టు స్టే విధించింది. పైగా ఇన్ సైడర్ ఆరోపణలు ఎదుర్కొంటున్న వారిలో మాజీ అడ్వకేట్ జనరల్ దమ్మాలపాటి శ్రీనివాస్ తో పాటు మరో 12 మందికి నోటీసులను కూడా జారీ చేయాలని ఆదేశించింది.  దీంతో ఇన్ సైడర్ ట్రేడింగ్ కు పాల్పడిన చంద్రబాబునాయుడు అండ్ కో కు టెన్షన్ మొదలైనట్లే అనుకోవాలి. ఎందుకంటే జనవరిలో ఇదే విషయమై జరగబోయే విచారణలో సుప్రింకోర్టు గనుక దమ్మాలపాటి అండ్ ఎనదర్ 12 మందిపై విచారణకు గ్రీన్ సిగ్నల్ ఇస్తే మొత్త ఎల్లోబ్యాచ్ సమస్యల్లో ఇరుక్కున్నట్లే అనుకోవాలి. చంద్రబాబు హయాంలో అమరావతి రాజధాని పరిధిలో  4075 ఎకరాలను ఇన్ సైడర్ ట్రేడింగ్ పద్దతిలో చంద్రబాబుకు అత్యంత సన్నిహితులు, టీడీపీలోని కీలక నేతలు, చంద్రబాబు మద్దతుదారులు సొంతం చేసుకున్నట్లు ప్రభుత్వం ఆరోపిస్తోంది. 4075 ఎకరాల్లో ఎవరెవరు ఎంతెంత భూములు సొంతం చేసుకున్నారనే విషయాన్ని కూడా ప్రభుత్వం స్పష్టంగా ప్రకటించేసింది.

ఇక్కడ గమనించాల్సిన విషయం ఏమిటంటే టీడీపీ ముఖ్యులు ఇన్ సైడర్ ట్రేడింగ్ కు పాల్పడ్డారనే ఆరోపణలను ప్రతిపక్షంలో ఉన్నప్పటి నుండే వైసీపీ చేస్తోంది. అప్పట్లోనే తమకున్న సమాచారం ప్రకారం ఎవరెవరు ఎంతెంత భూములు దక్కించుకున్నారనే వివరాలను అసెంబ్లీలోనే చదవి వినిపించారు. అయినా అప్పటి చంద్రబాబు ప్రభుత్వం ఏ విధంగాను స్పందిచలేదు. తాము అధికారంలోకి వస్తే ఇన్ సైడర్ ట్రేడింగ్ పై విచారణ జరిపిస్తామని అప్పట్లోనే జగన్మోహన్ రెడ్డి ప్రకటించారు. అప్పుడు చెప్పినట్లే అధికారంలోకి వచ్చిన తర్వాత అనేక అంతర్గత విచారణలు జరిపించి చివరకు ఏసీబీ విచారణకు ఆదేశించారు. సీబీఐ విచారణకు ఆదేశించినా కేంద్రం స్పందిచని కారణంగా చివరకు ఏసీబీని రంగంలోకి దింపారు. అంతర్గత విచారణలో తాము సంపాదించిన సాక్ష్యాలను, వివరాలను మంత్రివర్గ ఉపసంఘం ఏసీబీకి అందించింది. దాంతో ప్రాధమికంగా దమ్మాలపాటి +12మందిపై ఏసీబీ ఎఫ్ఐఆర్ నమోదు చేసి విచారణ మొదలుపెట్టింది.