అయితే ఈ విషయంపై మోహన్ బాబు కూడా స్పందించారు. బహిరంగంగా మాట్లాడకపోయినప్పటికీ ఒకలేఖను విడుదల చేశారు. చాలా కాలానికి తనను మెల్లగా రాజకీయాల్లోకి లాగావంటూ పవన్ ను ఉద్దేశించి అన్నారు. అయితే తానిప్పుడు ఏ సమాధానం చెప్పబోనని.. మా అసోసియేషన్ ఎన్నికల అనంతరం మాత్రమే స్పందిస్తానని క్లారిటీ ఇచ్చారు. తన కుమారుడు మంచు విష్ణుకు ఓటేయాలని కూడా ఆ లేఖలోనే రాసుకొచ్చారు మోహన్ బాబు. అయితే ఇప్పుడు మా ఎన్నికలు పూర్తయ్యాయి. కనీసం ఇప్పుడైనా పవన్ కళ్యాణ్ చేసిన వ్యాఖ్యలపై మోహన్ బాబు స్పందిస్తారా.. లేదా..? అనేది అసలు ప్రశ్న.
అయితే రాజకీయపరంగా జనసేన అధినేత పవన్ కళ్యాణ్ చేసిన వ్యాఖ్యలను మోహన్ బాబు సీరియస్ గా తీసుకున్నట్టు కనిపించడం లేదు. ఎందుకంటే మోహన్ బాబు మొదటి నుంచి దూకుడు ప్రదర్శించే వ్యక్తిత్వం.. ఎవరైనా ఏమన్నా అనగానే వెంటనే కౌంటర్ అటాక్ ఇచ్చేసే స్వభావం మోహన్ బాబుది. అలాంటి మోహన్ బాబు, ఇన్నిరోజులైనా సైలెంట్ గా ఉన్నారంటే దాని వెనుక ఏదో బలమైన కారణమే ఉండి వుండాలి. లేదంటే అనవసరమైన విషయాల్లో కలుగజేసుకోవడం ఎందుకని మౌనంగానైనా ఉండిపోయి ఉండాలి. మా ఎన్నికల సందర్భంగా ఓటు వేసేందుకు వచ్చిన పవన్ కళ్యాణ్ తో మోహన్ బాబు సరదాగా మాట్లాడుతూనే కనిపించారు. సో.. పవన్ వ్యాఖ్యలపై మోహన్ బాబు కౌంటర్ లేనట్టే కనిపిస్తోంది.
