ఇక తెలుగు చిత్ర పరిశ్రమలో ప్రేమకథా చిత్రం సినిమాతో ఇండస్ట్రీలో మంచి గుర్తింపు తెచ్చుకున్నాడు. అలాగే శ్రీదేవి డ్రామా కంపెనీ సినిమా కూడా మంచి విజయాన్ని అందుకుంది. ఇక తాజాగా సుధీర్ బాబు నటించిన సినిమా ఆ అమ్మాయి గురించి మీకు చెప్పాలి. ఈ చిత్రం ప్రమోషన్‌లో భాగంగా సినిమా గురించి దాని నేపథ్యం గురించి దర్శకుడు సుధీర్‌బాబు చెప్పుకొచ్చారు.
అయితే ముందు ఆ అమ్మాయి గురించి మీకు చెప్పాలి కంటే ఆ దర్శకుడు గురించి చెప్పాలంటూ.. చిత్ర దర్శకుడు మోహనకృష్ణ ఇంద్రగంటి గురించి సుధీర్ బాబు వెల్లడించారు. దర్శకుడు మోహనకృష్ణ ఇంద్రగంటితో వరసబెట్టి సినిమాలు చేస్తున్నా అని చెప్పుకొచ్చారు. అంతేకాదు.. నా ఫేవరేట్ దర్శకుడు ఆయన అని వెల్లడించారు. ఇక నేను ఏ హీరోయిన్‌తో మూడు సినిమాలు చేయలేదు.. కానీ ఆయనతో మూడు సినిమాలు చేశాను అని అన్నారు.
అంతేకాదు.. సుధీర్ బాబు ఏ హీరోయిన్‌తో కూడా కంపేర్ చేస్తే ఆయనతో వుంటే కెమిస్ట్రీ ఎక్కువని ఫీల్ అవుతున్నాను అని చెప్పుకొచ్చారు. ఇక సినిమా విషయానికి వస్తే.. ఇది రొమాంటిక్ డ్రామా. నేను ఇంతకుముందు సమ్మోహనంలో సినిమాలు ద్వేషించే వ్యక్తిగా నటించాను.. కానీ ఈ సినిమా మాత్రం పూర్తి విరుద్ధం అని చెప్పుకొచ్చారు. ఈ చిత్రంలో సినిమాలు అంటే తపన వుండే దర్శకుడి పాత్ర పోషించాను అని అన్నారు. అయితే ఈ చిత్రం త్వరలో విడుదలకు రెడీ అవుతున్నట్లు తెలుస్తోంది.
