టాలీవుడ్ ఫిల్మ్ ఇండస్ట్రీలో పెళ్లిచూపులు అనే సినిమాతో హీరోగా అరంగేట్రం చేసి.. ఆ తర్వాత అర్జున్ రెడ్డి సినిమా తో ఓ సెన్సేషన్ క్రియేట్ చేశాడు విజయ్ దేవరకొండ. ఈ సినిమాతో రాత్రికి రాత్రి స్టార్ అయిపోయాడు ఈ హీరో. దీంతో యూత్ లో ఇప్పుడు విజయ్ దేవరకొండ కి భారీ ఫ్యాన్ ఫాలోయింగ్ ఏర్పడింది. ప్రస్తుతం సౌత్ ఇండియా లోనే సూపర్ క్రేజ్ తో దూసుకుపోతున్న ఈ రౌడీ హీరో తాజాగా నటిస్తున్న సినిమా 'లైగర్'. టాలీవుడ్ డాషింగ్ డైరెక్టర్ పూరి జగన్నాథ్ దర్శకత్వంలో పాన్ ఇండియా రేంజ్ లో ఈ సినిమా భారీ బడ్జెట్ తో తెరకెక్కుతోంది. పూరి జగన్నాథ్, చార్మి లతో కలిసి బాలీవుడ్ నిర్మాత కరణ్ జోహార్ ఈ సినిమాను నిర్మిస్తున్నారు. 

ఇప్పటికే ఈ సినిమా నుంచి విడుదలైన ఫస్ట్ లుక్ పోస్టర్ కి విశేష స్పందన వచ్చిన సంగతి తెలిసిందే. ఇక ఈ సినిమాలో విజయ్ దేవరకొండ సరసన బాలీవుడ్ బ్యూటీ అనన్య పాండే హీరోయిన్ గా నటిస్తోంది. ప్రస్తుతం ఈ సినిమా షూటింగ్ శరవేగంగా జరుగుతోంది. ఇక ఈ సినిమా అప్డేట్ కోసం అభిమానులు ఎంతో ఆసక్తిగా ఎదురుచూస్తున్నారు. ఇక ఇదిలా ఉంటే ఈ సినిమా కోసం ప్రేక్షకులు అభిమానంతో పాటు ఓ స్టార్ హీరో కూడా ఎదురుచూస్తున్నారట. ఇంతకీ ఆ హీరో మరెవరో కాదు మలయాళ అగ్ర హీరో దుల్కర్ సల్మాన్. ఓకే బంగారం, మహానటి సినిమాల ద్వారా తెలుగు ప్రేక్షకులకు కూడా పరిచయమయ్యారు దుల్కర్. తాజాగా 'కురుప్' సినిమా తో మరోసారి ఆడియన్స్ ని పలకరించి  డీసెంట్ హిట్ అందుకున్నాడు.

 ఈ సినిమాకి తమిళంతో పాటు తెలుగులో కూడా పాజిటివ్ టాక్ రావడం జరిగింది. ఇక ఈ సినిమాతో పాటు విజయ్ దేవరకొండ తమ్ముడు ఆనంద్ దేవరకొండ హీరోగా నటించిన 'పుష్పకవిమానం' సినిమా సైతం విడుదలైంది. ఈ క్రమంలోనే పుష్పకవిమానం సినిమా సక్సెస్ కావాలని ఆశిస్తూ దుల్కర్ సల్మాన్ సోషల్ మీడియా వేదికగా ట్వీట్ చేశాడు. ఇక ఈ ట్వీట్ కి స్పందించిన విజయ్ దేవరకొండ.. దుల్కర్ సల్మాన్ ని సోదరుడిగా భావిస్తున్నట్టు ట్విట్టర్లో పేర్కొనడమే కాకుండా ప్రస్తుతం తాను లైగర్ షూటింగ్లో ఉన్నట్లు చెప్పగా.. ఈ సినిమా కోసం తాను కూడా ఎదురు చూస్తున్నట్లు దుల్కర్ సల్మాన్ తెలిపాడు. దీంతో దుల్కర్ సల్మాన్ చేసిన ట్వీట్ ఇప్పుడు నెట్ లో వైరల్ అవుతున్నాయి...!!
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Dulqer Salman

Anilkumar

14/11/2021 12:58 PM