గత ఏడాది పవర్ స్టార్ పవన్ కళ్యాణ్ కి వకీల్ సాబ్ రూపంలో భారీ విజయాన్ని అందించాడు దర్శకుడు వేణు శ్రీరామ్. ఈ సినిమా పవన్ కళ్యాణ్ కి గట్టి కంబ్యాక్ ఇచ్చింది. దీంతో వకీల్ సాబ్ తర్వాత వేణు శ్రీరామ్ తో సినిమాలు చేయడానికి చాలా మంది హీరోలు ఆసక్తి చూపారు. అయినా కూడా ఇప్పటి వరకూ ఈ దర్శకుడు తన నెక్స్ట్ ప్రాజెక్ట్ ని అనౌన్స్ చేయలేదు. ప్రముఖ నిర్మాత దిల్ రాజు కాంపౌండ్ లో ఉండే డైరెక్టర్ దగ్గర ప్రస్తుతం కథలు ఉన్నా కూడా ఆ కథకు తగ్గ హీరోలు దొరకటం లేదని టాక్ వినిపిస్తోంది. అసలైతే వకీల్ సాబ్ తర్వాత వేణు శ్రీరామ్ అల్లు అర్జున్ తో ఐకాన్ అనే ప్రాజెక్టు చేయాల్సి ఉంది.

 గతంలోనే ఈ ప్రాజెక్టు సెట్ పైకి వెళ్లి మధ్యలోనే ఆగిపోయింది. అయితే వకీల్ సాబ్ తర్వాత ఈ ప్రాజెక్ట్ ను పట్టాలెక్కించే ప్రయత్నాలు చేశారు దిల్ రాజు. కానీ తాజాగా అల్లు అర్జున్ పుష్ప భారీ విజయాన్ని అందుకోవడంతో ఇప్పుడు బన్నీ ఫోకస్ అంతా పుష్ప పార్ట్ 2 పైనే ఉంది. త్వరలోనే ఈ సినిమా షూటింగ్ కూడా మొదలు పెట్టుకోబోతోంది. ఈ సినిమా షూటింగ్ పూర్తయ్యే వరకు వేణు శ్రీరామ్ బన్నీ కోసం వెయిట్ చేయాల్సిందే. అయితే ఈలోగా వేరే హీరోతో సినిమా చేద్దామని అనుకున్న మిగతా హీరోలు ఎవరు ప్రస్తుతం ఖాళీగా లేకపోవడంతో ఏం చేయాలో తోచక అయోమయంలో పడ్డాడట ఈ దర్శకుడు.

 అయితే వకీల్ లాంటి బ్లాక్ బస్టర్ హిట్ తర్వాత ఈ దర్శకుడు ఖాళీగా ఉండటం అందరినీ ఆశ్చర్యానికి గురి చేస్తోంది. అయితే యువ హీరోలతో సినిమాలు చేసే ఆలోచన లేకనే స్టార్ హీరోల కోసం వెయిట్ చేస్తున్నాడట వేణు శ్రీరామ్. దీంతో తన నెక్ట్స్ ప్రాజెక్టు విషయంలో ఎటూ తేల్చుకోలేక పోతున్నాడట. ప్రస్తుతం ఈ దర్శకుడి దగ్గర ప్రభాస్, అల్లు అర్జున్ లకు సరిపోయే కథలు ఉన్నా ఈ హీరోలు దర్శకుడికి ఎప్పుడూ అవకాశం ఇస్తారనేది ఇప్పుడు సర్వత్రా ఆసక్తికరంగామారింది. మరి అప్పటిదాకా మరో హీరోతో అయినా వేణు శ్రీరామ్ సినిమా చేస్తాడా లేదా అనేది చూడాలి...!!
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

director venu sriram

Anilkumar

08/01/2022 08:00 PM