అయితే ఆ తర్వాత నుండి మంచి రిలీజ్ డేట్ కోసం వెయిట్ చేస్తూ వచ్చారు. అలా మార్చ్ 25 , 2022 న రిలీజ్ చేయడానికి నిర్ణయం తీసుకుంది రాజమౌళి అండ్ టీమ్. ఈ వార్త తెలిసిన ఆర్ ఆర్ ఆర్ అభిమానులు ఎంతో ఆతృతగా ఎదురుచూస్తున్నారు. ఇక సరిగ్గా ఈ సినిమా రిలీజ్ కు 10 రోజులు మాత్రమే సమయం ఉంది. అందుకే ప్రమోషన్స్ ను భారీగా ప్లాన్ చేస్తున్నారు. రిలీజ్ కు ముందు రెండు భారీ ప్రి రిలీజ్ ఈవెంట్ లను జరపనున్నారు అని తెలుస్తోంది. కాగా ఈ మూవీ గురించి ఒక రహస్యాన్ని డైరెక్టర్ రాజమౌళి తాజాగా బయట పెట్టారు. ఈ సినిమా నిండా స్టార్ నటీనటులు ఉండడం, పాన్ ఇండియా స్థాయి చిత్రం కావడం, యాక్షన్ అంశాలు పుష్కలంగా ఉండడం వంటి పలు కారణాల చేత ఇది భారీ బడ్జెట్ మూవీ అని తెలిసిందే.
కానీ ఈ సినిమాకు ఎంత బడ్జెట్ అయి ఉంటుందని చాలా మందికి సందేహాలు ఉన్నాయి. అలాంటి వారి ప్రశ్నకు రాజమౌళి సమాధానం ఇచ్చారు. రాజమౌళి ఈ సినిమా బడ్జెట్ గురించి మాట్లాడుతూ, ఆర్ ఆర్ ఆర్ నిర్మాణానికి 550 కోట్ల రూపాయలు ఖర్చు చేశామని అందరికీ షాక్ ఇచ్చారు. మామూలుగా ఇప్పటి వరకు తెలిసిన వార్తల ప్రకారం ఈ సినిమాకు 400 కోట్ల బడ్జెట్ మాత్రమే అనుకున్నాము. ఇప్పటికే బిజినెస్స్ ద్వారా చాలా వరకు వెనక్కు వచ్చేసిందట... మిగిలిన బడ్జెట్ కూడా సినిమా విడుదలతో వచ్చేస్తుందని నమ్మకంతో ఉన్నామని ఆయన తెలిపాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి