'ദിലീപ്' മുംബൈ ഡോണായി ബാന്ദ്രയിൽ! രാമലീലയ്ക്ക് ശേഷം ദിലീപ് - അരുൺ ഗോപി കൂട്ടുകെട്ടിലൊരുങ്ങുന്ന ആക്ഷൻ ത്രില്ലർ ചിത്രമാണ് ബാന്ദ്ര. മാസ് സ്റ്റൈലിഷ് ലുക്കിൽ ദിലീപ് എത്തുമ്പോൾ നായികയായി തെനിന്ത്യൻ താരസുന്ദരി തമന്നയും ഒപ്പമുണ്ട്. തമന്നയുടെ ആദ്യ മലയാള സിനിമയാണ് ബാന്ദ്ര. നേരത്തെ തമന്നയുടെ പിറന്നാൾ ദിനത്തിൽ ബാന്ദ്ര ടീം പുറത്തുവിട്ട പോസ്റ്റർ കൂടുതൽ ഹൈപ്പ് സൃഷ്ടിച്ചിരുന്നു. റോയൽ ലുക്കിൽ രാജകുമാരിയെ പോലെ തമന്ന എത്തുന്ന പോസ്റ്ററാണ് അന്ന് റിലീസ് ചെയ്തിരുന്നത്. ദിലീപിനൊപ്പം സിനിമയിൽ വളരെ പ്രധാനപ്പെട്ട കഥാപാത്രമാണ് തമന്ന അവതരിപ്പിക്കുന്നതെന്ന് ടീസറും സൂചന നൽകുന്നുണ്ട്. മലയാളത്തിലേക്കുള്ള തമന്നയുടെ വരവ് ആഘോഷമാക്കുന്നുണ്ട് സോഷ്യൽ മീഡിയയും. "ഞാൻ റൺവേ കേറി നിൽക്കും, പിന്നെയാണ് നിൻ്റെ വൺവേ..." മാസ് ഡയലോഗോടെ കയ്യിൽ തോക്കേന്തി നിൽക്കുന്ന മുംബൈയിലെ അധോലോക നായകൻ്റെ മുന്നിൽ ഇനി ശത്രുക്കൾ കുറച്ച് വിയർക്കും.
പറയുന്നത് 'അലൻ അലക്സാണ്ടർ ഡൊമനിക്' ആണ്. അയാളെ മുംബൈ ലോകം 'ആല' എന്നു പേർ വിളിച്ചു. കഴിഞ്ഞ ദിവസം സോഷ്യൽ മീഡിയയിൽ റിലീസായ ദിലീപ് നായകനാകുന്ന പുതിയ ചിത്രം ബാന്ദ്രയുടെ ടീസറിലാണ് ആക്ഷൻ ഹീറോ കഥാപാത്രം ആല പ്രത്യക്ഷപ്പെടുന്നത്. ദിലീപ് തൻ്റെ താരസിംഹാസവം വീണ്ടെടുക്കാൻ ഗ്യാങ്സ്റ്റർ കഥാപാത്രമായി എത്തുകയാണ് ഇനി. മുംബൈ ബാന്ദ്രയുടെ പശ്ചാത്തലത്തിൽ പഴയ കാലഘട്ടത്തിലെ കഥയാണ് ചിത്രം പറയുന്നത്. യഥാർത്ഥ സംഭവത്തിനെ ആസ്പദമാക്കിയാണ് ചിത്രം ഒരുക്കുന്നതെന്ന് നേരത്തെ റിപ്പോർട്ടുണ്ടായിരുന്നു. കരിയറിലെ മാസ് കഥാപാത്രം റൺവേയിലെ 'വാളയാർ പരമശിവ'ത്തിനു ശേഷം ദിലീപ് അവതരിപ്പിക്കുന്ന ശക്തമായ കഥാപാത്രമായിരിക്കും ബാന്ദ്രയിലെ അലൻ അലക്സാണ്ടർ ഡൊമനിക്. ബാന്ദ്രയുടെ രചയിതാവ് ഉദയകൃഷ്ണ റൺവേയുടെ തിരക്കഥയിലും ഭാഗമായിരുന്നു. മികച്ച ടെകിനിക്കൽ ടീമിനെയാണ് ചിത്രത്തിൽ അണിനിരത്തിയിരിക്കുന്നത്.
ദിലീപിൻ്റെ കരിയറിലെ 147-ാം സിനിമയായിട്ടാണ് ബാന്ദ്ര എത്തുന്നത്.തമിഴകത്തെ സൂപ്പർ ഹിറ്റ് സംഗീത സംവിധായകൻ സാം സി എസ് ആണ് ബാന്ദ്രയുടെ സംഗീത വിഭാഗം കൈകാര്യം ചെയ്യുന്നത്. വലിയ വിജയങ്ങൾ നേടിയ വിക്രം വേദ, കൈതി അടക്കം ഒരുപിടി തമിഴ് സിനിമകളുടെ പിന്നണിയിലുണ്ടായിരുന്ന സാം ഒരുക്കുന്ന സംഗീത വിഭാഗം ബാന്ദ്രയുടെ ഹൈലൈറ്റാകും. രാമലീലയ്ക്കു ശേഷം ദിലീപിനും അരുൺ ഗോപിയ്ക്കുമൊപ്പം ഛായാഗ്രാഹകൻ ഷാജി കുമാറും ചിത്രത്തിൻ്റെ അണിയറയിലുണ്ട്. എഡിറ്റിംഗ് വിവേക് ഹർഷനും കലാസംവിധാനം സുബാഷ് കരുണും ഒരുക്കുന്നു.
ദീപക് പരമേശ്വരൻ പ്രൊഡക്ഷൻ കൺട്രോളറും രംഗനാഥ് രവി സൗണ്ട് ഡിസൈനും പ്രവീൺ വർമ്മ വസ്ത്രാലങ്കാരവും നിർവഹിച്ചിരിക്കുന്നു. കരിയറിലെ മാസ് കഥാപാത്രം റൺവേയിലെ 'വാളയാർ പരമശിവ'ത്തിനു ശേഷം ദിലീപ് അവതരിപ്പിക്കുന്ന ശക്തമായ കഥാപാത്രമായിരിക്കും ബാന്ദ്രയിലെ അലൻ അലക്സാണ്ടർ ഡൊമനിക്. ബാന്ദ്രയുടെ രചയിതാവ് ഉദയകൃഷ്ണ റൺവേയുടെ തിരക്കഥയിലും ഭാഗമായിരുന്നു. മികച്ച ടെകിനിക്കൽ ടീമിനെയാണ് ചിത്രത്തിൽ അണിനിരത്തിയിരിക്കുന്നത്.
Find out more:
click and follow Indiaherald WhatsApp channel