తమిళ స్టార్ హీరోలలో ఒకరు అయినటువంటి సూపర్ స్టార్ రజనీ కాంత్ ప్రస్తుతం లోకేష్ కనకరాజు దర్శకత్వంలో రూపొందుతున్న కూలీ అనే స్టైలిష్ యాక్షన్ ఎంటర్టైనర్ మూవీ లో హీరో గా నటిస్తున్న విషయం మనకు తెలిసిందే. ఈ మూవీ లో టాలీవుడ్ కింగ్ అక్కినేని నాగార్జున ఓ కీలకమైన పాత్రలో కనిపించనుండగా ... మోస్ట్ బ్యూటిఫుల్ అండ్ వెరీ టాలెంటెడ్ నటీమణి శృతి హాసన్ కూడా ఈ సినిమాలో ఓ ముఖ్యమైన పాత్రలో కనిపించబోతుంది. అనిరుద్ రవిచంద్రన్ ఈ సినిమాకు సంగీతం అందిస్తున్నాడు. ఈ మూవీ ని ఈ సంవత్సరం ఆగస్టు 14 వ తేదీన విడుదల చేయనున్నట్లు మేకర్స్ కొన్ని రోజుల క్రితమే అధికారికంగా ప్రకటించారు.

ఈ సినిమా విడుదల తేదీ దగ్గర పడుతున్న కొద్ది ఈ మూవీ బృందం వారు ఈ సినిమాకు సంబంధించిన పనులన్నింటినీ ఫుల్ స్పీడ్ గా పూర్తి చేస్తున్నట్లు తెలుస్తోంది. ఇకపోతే తాజాగా ఈ మూవీ లో శృతి హాసన్ తన పాత్రకి సంబంధించిన డబ్బింగ్ ను స్టార్ట్ చేసింది. అందుకు సంబంధించిన ఓ పోస్ట్ కూడా ప్రస్తుతం సోషల్ మీడియాలో వైరల్ అవుతుంది. ఈ పోస్ట్ ప్రకారం శృతి హాసన్ డబ్బింగ్ థియేటర్లో తన పాత్రకు డబ్బింగ్ చెప్పుకుంటున్నట్లు తెలుస్తోంది.

ఇకపోతే సూపర్ స్టార్ రజనీ కాంత్ హీరోగా నటిస్తున్న మూవీ కావడం , అందులో అదిరిపోయే రేంజ్ క్రేజ్ కలిగిన నాగార్జున , శృతి హాసన్ లాంటి నటీ నటులు నటిస్తూ ఉండడం , ఆ మూవీ కి లోకేష్ కనకరాజు దర్శకత్వం వహిస్తూ ఉండడం , అలాగే అనిరుద్ రవిచంద్రన్ ఈ సినిమాకు సంగీతం అందిస్తూ ఉండడంతో ఈ మూవీ పై ప్రస్తుతానికి ప్రేక్షకులు అత్యంత భారీ స్థాయిలో అంచనాలు పెట్టుకున్నారు. మరి ఈ మూవీ ప్రేక్షకుల అంచనాలను అందుకొని అద్భుతమైన విజయాన్ని అందుకుంటుందో లేదో తెలియాలి అంటే మరి కొంత కాలం వేచి చూడాల్సిందే.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Rajini

Pulgam Srinivas

20/04/2025 07:45 AM