సినిమా కథ రాయలసీమ బ్యాక్‌డ్రాప్‌లో సాగనుంది. ముఖ్యంగా చిత్తూరు ప్రాంతాన్ని బేస్‌గా తీసుకుని కథను రూపొందించారు. అందుకే అఖిల్ పాత్రలో మాట్లాడే యాస పూర్తిగా చిత్తూరు స్లాంగ్‌లోనే ఉండబోతోంద‌ట. ఈ మాడ్యులేషన్ కోసం అఖిల్ ప్రత్యేకంగా ప్రాక్టీస్ చేస్తున్నాడని, తన పాత్రకు న్యాయం చేయాలని చాలా కష్టపడుతున్నాడని యూనిట్ సభ్యులు చెబుతున్నారు. ఈ సినిమాలో అందాల భామ శ్రీలీల హీరోయిన్‌గా నటిస్తోంది. ప్రస్తుతం టాలీవుడ్‌లో అత్యంత క్రేజ్ ఉన్న హీరోయిన్ శ్రీలీల కావడంతో ఈ జోడీపై మంచి అంచనాలు ఉన్నాయి. ముఖ్యంగా అఖిల్ - శ్రీలీల కలయికలో వచ్చే లవ్ సీన్స్, పాటలు చాలా బాగుంటాయని యూనిట్ చెపుతోంది.
మేకర్స్ లెనిన్ సినిమా రిలీజ్ డేట్ కూడా ఖరారు చేశారు. ఈ సినిమాను నవంబర్ 14న ప్రపంచవ్యాప్తంగా ప్రేక్షకుల ముందుకు తీసుకురావాలని ప్లాన్ చేస్తున్నారు. దీని కోసం పోస్ట్ ప్రొడక్షన్ వర్క్స్ కూడా సమాంతరంగా జరుగుతున్నాయి. అఖిల్ కూడా ఈ ప్రాజెక్ట్‌పై భారీ హోప్స్ పెట్టుకున్నాడు. ఎందుకంటే ఈ సినిమా హిట్ అయితే తన కెరీర్‌లో మలుపు తిరిగే అవకాశం ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి