ఇక ఈ రేసులో ముందు వరుసలో ఉన్నవారు శ్రీలీల మరియు రుక్మిణి వసంత్ .రుక్మిణి వసంత్ ఇటీవల “కాంతార 2” సినిమాతో మళ్లీ ఫామ్‌లోకి వచ్చింది. శ్రీలీల అయితే అప్పటి నుంచే రష్మికకు బలమైన కాంపిటీషన్ ఇస్తూ వస్తోంది. ఈ ఇద్దరి పేర్లు ఇప్పుడు సోషల్ మీడియాలో బాగా చర్చకు దారి తీస్తున్నాయి.ఇంతలోనే రుక్మిణి వసంత్ ఓ ఇంటర్వ్యూలో “నాకు ఎటువంటి ట్యాగ్‌లు వద్దు, నేను నా పనితోనే గుర్తింపు తెచ్చుకోవాలనుకుంటున్నా” అంటూ స్పష్టంగా చెప్పింది. ఆమె ఈ మాటలు చెప్పిన వెంటనే మరొక బ్యూటీ పేరు సోషల్ మీడియాలో ట్రెండ్ అవుతోంది — ఆమె ఎవరో కాదు, మన కన్నడ బ్యూటీ కృతి శెట్టి.
కృతి శెట్టి ‘ఉప్పెన’ సినిమా ద్వారా టాలీవుడ్‌లో అడుగుపెట్టిన మొదటి రోజునుండే అద్భుతమైన గుర్తింపు తెచ్చుకుంది. అయితే, ఆ తర్వాత వచ్చిన కొన్ని సినిమాలు ఫ్లాప్ కావడంతో ఆమె కెరీర్ కొంత స్లో అయింది. తెలుగులో అవకాశాలు తగ్గినా, తమిళం మరియు మలయాళంలో మాత్రం స్టార్ హీరోయిన్‌గా స్థిరపడుతోంది. కృతి ప్రస్తుతం చాలా కూల్‌గా, సైలెంట్‌గా తన కెరీర్‌ను ముందుకు తీసుకెళ్తోంది. ఆమె నటించిన ‘వారిద్దర్’ సినిమా డిసెంబర్ 5న విడుదల కానుంది. ఆ తర్వాత ప్రదీప్ రంగనాథ్‌తో కలిసి చేసిన ‘లవ్ ఇన్సూరెన్స్ కంపెనీ’ కూడా రిలీజ్‌కి సిద్ధంగా ఉంది. మొదట ఈ సినిమా దీపావళి కానుకగా రావాల్సి ఉండగా, ప్రదీప్ మరో మూవీ రిలీజ్ కావడంతో వాయిదా పడింది.
ఇక కృతి నటిస్తున్న మరో చిత్రం జీవి . రవి మోహన్ హీరోగా తెరకెక్కుతున్న ఈ సినిమాని వెల్ఫేమ్ ఇంటర్నేషనల్ బ్యానర్‌పై గణేష్ నిర్మిస్తున్నారు. ఇవన్నీ కలిపి చూస్తే, కృతి శెట్టి చేతిలో మూడు భారీ ప్రాజెక్టులు ఉన్నాయి. ఇవన్నీ సక్సెస్ అయితే, కృతి మరోసారి పీక్‌లోకి వెళ్ళడం ఖాయం. అప్పుడు “నేషనల్ క్రష్” టైటిల్ శ్రీలీల, రుక్మిణి కాదు — కృతిదే అవుతుందని చాలా మంది అభిమానులు చెబుతున్నారు.
ఇక సోషల్ మీడియాలో మాత్రం “రష్మిక పాత కథ అయిపోయింది, ఇప్పుడు కృతినే కొత్త నేషనల్ క్రష్” అంటూ పోస్ట్‌లు వైరల్ అవుతున్నాయి. కొంత మంది మాత్రం దీనిపై తీవ్రంగా స్పందిస్తూ, “అభిమానమంటే అభిమానమే, ఇలా వెటకారంగా మాట్లాడడం సరికాదు” అని హెచ్చరిస్తున్నారు.మొత్తానికి — రష్మిక, శ్రీలీల, రుక్మిణి, కృతి — ఈ నలుగురి మధ్య నేషనల్ క్రష్ రేసు కొనసాగుతోంది. ఎవరి ఫామ్ ఎక్కువ కాలం నిలుస్తుందో, ఎవరి సినిమాలు హిట్ అవుతాయో, ఆమెలో ఎవరు ఇండస్ట్రీలో టాప్ స్థానంలో నిలుస్తారో చూడాలి అనేది ఇప్పుడు సినీ వర్గాల్లో హాట్ చర్చగా మారింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి