മുഈൻ അലിയുടേത് വെല്ലുവിളിയെന്നും, പരസ്യ വിമർശനം തങ്ങൾ വിലക്കിയിട്ടുണ്ടെന്നും മുസ്ലിം ലീഗ്! പാണക്കാട് ഹൈദരലി ശിഹാബ് തങ്ങളുടെ മകൻ മുഈൻ അലിയുടെ ആരോപണങ്ങൾ നിഷേധിച്ച് മുസ്ലിം ലീഗ്. ഇത് ശത്രുക്കളുടെ കയ്യിലിരുന്ന് പ്രവർത്തിക്കുന്ന ആളുടെ പ്രവർത്തിയാണ്. മുഈൻ അലിയുടേത് അനുമതിയില്ലാതെ വിളിച്ചു ചേർത്ത വാർത്താ സമ്മേളനമാണെന്ന് ലീഗ് ജനറൽ സെക്രട്ടറി പിഎംഎ സലാം പറഞ്ഞു. ഹൈദരലി തങ്ങളെ അനുസരിക്കാത്തത് പാർട്ടിയെ അനുസരിക്കാത്തതിനു തുല്യമാണ്. അഭിപ്രായ സ്വാതന്ത്ര്യം ലീഗിന്റെ അസ്ഥിത്വത്തെ ചോദ്യം ചെയ്യുന്ന രീതിയിലേക്ക് പോകരുതെന്നും സലാം പറഞ്ഞു. ചന്ദ്രിക മാനേജ്മെന്റിന് ഇഡിയുടെ നോട്ടീസ് ലഭിച്ചിട്ടുണ്ട്. പാലാരിവട്ടം പാലം അഴിമതി കേസുമായി ബന്ധപ്പെട്ടാണ് നോട്ടീസ്.
ഇഡിക്ക് മറുപടി നൽകുമെന്നും അദ്ദേഹം പറഞ്ഞു. പിതാവ് ഇഡിയുടെ ചോദ്യംചെയ്യലിന് വിധേയനാകേണ്ടി വന്നതിനു കാരണം കുഞ്ഞാലിക്കുട്ടിയാണ്. തന്റെ പിതാവ് കടുത്ത മാനസിക സമ്മ‍ർദ്ദത്തിലൂടെയാണ് കടന്നുപോകുന്നതെന്നും അദ്ദേഹം പറഞ്ഞു. ചന്ദ്രിക പത്രം പ്രതിസന്ധിയിലാകാൻ കാരണം കുഞ്ഞാലിക്കുട്ടി നിയമിച്ച ഫിനാൻസ് മാനേജ‍ർ ഷമീറാണെന്നും മുഈൻ പറഞ്ഞു. പാ‍ർട്ടി ഒരു വ്യക്തിയിലേക്ക് ചുരുങ്ങിയെന്നും ഇതിൽ മാറ്റം വേണമെന്നും അദ്ദേഹം ആവശ്യപ്പെട്ടു. നോട്ട് നിരോധന കാലത്ത് ചന്ദ്രികയുടെ അക്കൗണ്ടിൽ പത്ത് കോടി രൂപ എത്തിയിരുന്നു. ഇതുമായി ബന്ധപ്പെട്ട് ലീഗ് സംസ്ഥാന അധ്യക്ഷൻ പാണക്കാട് ഹൈദരലി ശിഹാബ് തങ്ങൾക്ക് ഇഡി നോട്ടീസ് നൽകിയിരുന്നു. ഈ വിഷയത്തിൽ കെടി ജലീൽ നിരന്തരം ആരോപണം ഉന്നയിച്ചതിന്റെ പശ്ചാത്തലത്തിലാണ് മുഈൻ അലി വാർത്താ സമ്മേളനം വിളിച്ചത്.
മാധ്യമപ്രവർത്തകരോട് മുഈൻ അലി സംസാരിക്കുന്നതിനിടെയാണ് റാഫി അസഭ്യവർഷവുമായി ചാടിയെണീറ്റത്. മുഈനെ യൂസ്ലെസ് എന്നടക്കം വിളിച്ച ശേഷമാണ് റാഫി വാർത്താ സമ്മേളന ഹാളിൽ നിന്നും ഇറങ്ങിപ്പോയത്. കുഞ്ഞാലിക്കുട്ടിക്കെതിരെ രൂക്ഷ വിമർശനം ഉന്നയിച്ച മുഈൻ അലി തങ്ങൾക്കെതിരെ അസഭ്യവർഷവുമായി എത്തിയത് ലീഗ് പ്രവർത്തകൻ റാഫി പുതിയകടവിൽ.2004 ൽ ഇന്ത്യാവിഷൻ ഓഫീസ് ആക്രമിച്ച കേസിലെ പ്രതിയാണ് റാഫി. ഐസ് ക്രീം പാർലർ കേസിൽ റജീന വെളിപ്പെടുത്തിൽ നടത്തിയതിനെത്തുടർന്നായിരുന്നു ആക്രമണം. ലീഗ് പ്രതിഷേധത്തിനിടെ ഇന്ത്യാവിഷൻ ഓഫീസിനു നേരെയും മാധ്യമ പ്രവർത്തകർക്കു നേരെയും അന്ന് കല്ലേറുണ്ടായിരുന്നു.
അതേസമയം, മുഈനെ തള്ളിപ്പറഞ്ഞ് ലീഗ് നേതൃത്വം രംഗത്തെത്തിയിട്ടുണ്ട്. ഇത് ശത്രുക്കളുടെ കയ്യിലിരുന്ന് പ്രവർത്തിക്കുന്ന ആളുടെ പ്രവർത്തിയാണ്. മുഈൻ അലിയുടേത് അനുമതിയില്ലാതെ വിളിച്ചു ചേർത്ത വാർത്താ സമ്മേളനമാണെന്ന് ലീഗ് ജനറൽ സെക്രട്ടറി പിഎംഎ സലാം പറഞ്ഞു. ഹൈദരലി തങ്ങളെ അനുസരിക്കാത്തത് പാർട്ടിയെ അനുസരിക്കാത്തതിനു തുല്യമാണ്. അഭിപ്രായ സ്വാതന്ത്ര്യം ലീഗിന്റെ അസ്ഥിത്വത്തെ ചോദ്യം ചെയ്യുന്ന രീതിയിലേക്ക് പോകരുതെന്നും സലാം വ്യക്തമാക്കി.
Find out more:
click and follow Indiaherald WhatsApp channel