తిరుపతిలోని ఎస్పీడీసీఎల్ కార్యాలయంలో సీఎండీ శివశంకర్‌ను కలిసిన అనంతరం మీడియాతో మాట్లాడిన ఆయన, గత ప్రభుత్వ కాలంలో అప్పటి ఛైర్మన్‌ సంతోష్‌ రావు ఇష్టానుసారంగా ప్రవర్తించారని అన్నారు. “రూపాయి విలువ చేసే వస్తువును మూడు రూపాయలకు కొనుగోలు చేసి, ఆ భారాన్ని ప్రజలపై మోపడం ఎప్పుడూ చూడలేదు. 2023లో జరిగిన ఆడిట్లో కోట్ల రూపాయల అవినీతి బయటపడింది,” అని ఆయన వివరించారు. అంతేకాదు, "ప్రభుత్వం మారినా అవినీతికారులు మాత్రం కొనసాగుతున్నారు. 12 సార్లు ఆర్టీఐ కింద సమాచారం అడిగినా ఇవ్వలేదు. మాకు ఉన్న ఆధారాలతో సంతోష్‌ రావు అవినీతి నిరూపించగలము," అని ఏబీ వెంకటేశ్వరరావు తెలిపారు. ఆయన ప్రకారం, అధికారులు మరియు కొన్ని కంపెనీలు కుమ్మక్కై ప్రజల డబ్బుతో కోట్ల రూపాయల లాభాలు పొందారు.
ఇక కందుకూరు హత్య కేసులో లక్ష్మీనాయుడు కుటుంబానికి ప్రభుత్వం ఇచ్చిన పరిహారంపైనా ఆయన ప్రశ్నలు లేవనెత్తారు. "ఏటా 900 హత్యలు జరుగుతున్నాయి, అందరికీ పరిహారం ఇస్తారా? ప్రజా ధనం ఇలా పంచిపెడతారా?" అంటూ ఏబీ వెంకటేశ్వరరావు వ్యాఖ్యానించారు. మరోవైపు, చంద్రబాబు నాయుడు ప్రభుత్వం లక్ష్మీనాయుడు కుటుంబానికి భూములు, నగదు, పిల్లలకు ఫిక్స్‌డ్‌ డిపాజిట్‌లు అందజేస్తామని ప్రకటించింది. దీనిపైనే ఏబీ వెంకటేశ్వరరావు తీవ్రంగా అభ్యంతరం వ్యక్తం చేశారు. ప్రస్తుతం ఆయన ఆరోపణలు రాష్ట్ర రాజకీయాల్లో మరోసారి ఎలక్ట్రిక్ షాక్ లాంటివిగా మారాయి. ఎస్పీడీసీఎల్ అవినీతి బహిర్గతమైతే, అనేకరికి కష్టాలు తప్పవని విశ్లేషకులు చెబుతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి