రొయ్యలలో ఒమేగా-3 కొవ్వు ఆమ్లాలు పుష్కలంగా ఉంటాయి. ఇవి గుండె ఆరోగ్యానికి చాలా ముఖ్యమైనవి. గుండె జబ్బుల ప్రమాదాన్ని తగ్గించడంలో సహాయపడతాయి. అలాగే, మెదడు పనితీరును మెరుగుపరచి, జ్ఞాపకశక్తిని పెంచుతాయి. రొయ్యలలో విటమిన్ B12, విటమిన్ D, సెలీనియం, ఐరన్, జింక్, రాగి, అయోడిన్ వంటి అనేక విటమిన్లు, ఖనిజాలు ఉన్నాయి.
విటమిన్ B12 రక్తహీనతను నివారించడంలో సహాయపడుతుంది, సెలీనియం రోగనిరోధక శక్తిని పెంచుతుంది. అయోడిన్ థైరాయిడ్ గ్రంథి పనితీరుకు అవసరం. జింక్ మరియు సెలీనియం శృంగార సామర్థ్యాన్ని పెంచడంలో కూడా సహాయపడతాయని అంటారు. ఎముకలు, కండరాలను బలోపేతం చేయడానికి కూడా రొయ్యలు ఉపయోగపడతాయి.
రొయ్యలు తిన్న తర్వాత దద్దుర్లు, దురద, వాపు, శ్వాస తీసుకోవడంలో ఇబ్బంది లేదా తీవ్రమైన అనాఫిలాక్సిస్ వంటి లక్షణాలు కనిపిస్తే, వెంటనే వైద్యుడిని సంప్రదించాలి. అలెర్జీ ఉన్నవారు రొయ్యలకు దూరంగా ఉండటం మంచిది. య్యలను ఎప్పుడూ పూర్తిగా ఉడికించి తినాలి. అలాగే, రొయ్యలలో కొలెస్ట్రాల్ ఉంటుందని చాలామంది అనుకుంటారు. కానీ నిపుణుల అభిప్రాయం ప్రకారం, రొయ్యలలో ఉండే కొలెస్ట్రాల్ శరీరానికి హానికరం కాదు. అయితే, అధికంగా తీసుకోవడం వల్ల కొందరిలో జీర్ణ అసౌకర్యం కలగవచ్చు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి