ఒక కడాయి తీసుకొని అందులో రెండు లేదా మూడు తమలపాకులను చిన్నచిన్న ముక్కలుగా కట్ చేసి వేయాలి. ఆ తర్వాత గుప్పెడు కరివేపాకు రెబ్బలను ,రెండు స్పూన్ ల మెంతులు, ఒక స్పూన్ కలోంజి సీడ్స్ మరియు కోకనట్ ఆయిల్ వేయాలి. వీటన్నింటినీ వేసిన తర్వాత,ఈ పాన్ ను స్టవ్ మీద పెట్టి బాగా మరిగించాలి. ఇలా మరిగించడం వల్ల, వాటిలో ఉన్న ఔషధ గుణాలు నూనెలోకి చేరతాయి.
ఇలా మరిగించిన నూనెను వడగట్టి వారానికి రెండు సార్లు జుట్టు కుదుళ్ల నుండి చివర్ల వరుకు రాసి మర్దన చేసుకోవాలి. రెండు గంటలు అలాగే ఉంచుకొని మైల్డ్ షాంపువేసి, గోరువెచ్చని నీటితో తల స్నానం చేయాలి. ఇలా క్రమం తప్పకుండా చేయడం వల్ల జుట్టురాలడం, చుండ్రు వంటివి సమస్యలు తగ్గి జుట్టు ఒత్తుగా బలంగా ఆరోగ్యంగా పెరుగుతుంది.అంతే కాకుండా గ్రే హెయర్ ని నల్లగా మారుస్తుంది.ఈ నూనెను ఒకసారి తయారు చేసుకుంటే నెల రోజుల పాటు నిల్వ చేసుకోవచ్చు.
ఇందులో వాడినా ప్రతి పదార్థంలోను ఉన్న పోషకాలు జుట్టును సంరక్షించడానికి ఉపయోగపడతాయి. కావున ఈ నూనెను ఉపయోగించి జుట్టుకి సంబందించిన సమస్యల నుండి సులభంగా, తక్కువ ఖర్చుతో బయట పడవచ్చు. మెంతులను మన పూర్వికులు కూడా జుట్టు సంరక్షణలో వాడేవారు.
