కోడి రామకృష్ణ దర్శకత్వంలో నందమూరి బాలకృష్ణ వచ్చిన తొలి చిత్రం ‘మంగమ్మ గారి మనవడు’. ఈ చిత్రం హీరోగా బాలయ్యకు క్రేజ్ తీసుకొచ్చింది. అంతేకాక.. ఈ సినిమా 500 రోజులకు పైగా నడిచి ఇండస్ట్రీ హిట్‌‌గా నిలిచిపోయింది. ఆ తరువాత నందమూరి బాలకృష్ణ, కోడి రామకృష్ణ కాంబినేషన్‌లో వచ్చిన రెండో చిత్రం ‘ముద్దుల కృష్ణయ్య. ఈ సినిమా థియేటర్ వద్ద బ్లాక్ బస్టర్ సక్సెస్ గా నిలిచింది. ఇక కోడి రామకృష్ణ, నందమూరి బాలకృష్ణ కాంబినేషన్‌లో వచ్చిన మూడో చిత్రం ‘మువ్వ గోపాలడు. ఈ సినిమా బ్లాక్ బస్టర్ సక్సెస్ గా నిలిచింది.
కోడి రామకృష్ణ దర్శకత్వంలో నందమూరి బాలకృష్ణ హీరోగా వచ్చిన సినిమా నాలుగవ సినిమా ‘భారతంలో బాలచంద్రుడు. ఈ మూవీ బాక్స్ ఆఫీస్ వద్ద అనుకున్నంతగా రాణించలేదు. ఆ తరువాత కోడి రామకృష్ణ, నందమూరి బాలకృష్ణ కాంబినేషన్‌లో వచ్చిన ఐదో చిత్రం ‘ముద్దుల మావయ్య’. ఈ సినిమా బాక్సాఫీస్ దగ్గర బ్లాక్ బస్టర్ సక్సెస్ గా నిలిచింది. అంతేకాక.. ఇండస్ట్రీ రికార్డులను తిరగ రాశారు. ఇక కోడి రామకృష్ణ, నందమూరి బాలకృష్ణ కాంబినేషన్‌లో వచ్చిన ఆరో చిత్రం ‘బాల గోపాలుడు’. ఈ సినిమా మంచి విజయాన్ని అందుకుంది.
అయితే నందమూరి బాలకృష్ణ, కోడి రామకృష్ణ కాంబినేషన్‌లో వచ్చిన సినిమా ముద్దుల మేనల్లుడు ఏడో చిత్రం. ఈ సినిమా బాక్సాఫీస్ వద్ద మంచి విజయాన్ని అందుకుంది. అలాగే వీరిద్దరి కాంబినేషన్ లో వచ్చిన ఎనిమిదో సినిమా విక్రమసింహ భూపతి. ఈ సినిమా దాదాపుగా 80 శాతం షూటింగ్ కంప్లీటైన ఈ జానపద చిత్రం నిర్మాత ఎస్.గోపాల్ రెడ్డి మరణంతో మధ్యలో ఆగిపోయింది.
