మహేష్ బాబు హీరోగా నటిస్తున్న సర్కారు వారి పాట సినిమా చిత్ర షూటింగ్ రామోజీ ఫిలింసిటీలో శరవేగంగా జరుపుకుంటుంది. ఈ సినిమాలో మహేష్ తన గత సినిమాల కంటే ఎక్కువ స్టైలిష్ గా కనిపిస్తూ ఉండగా కీర్తి సురేష్ గ్లామర్ ఈ చిత్రానికి అదనపు ఆకర్షణ గా చెబుతున్నారు. పరశురామ్ దర్శకత్వంలో ఆర్థిక నేరాల నేపథ్యంలో తెరకెక్కుతున్న ఈ సినిమాపై సూపర్ స్టార్ అభిమానులు ఎంతగానో ఆశలు పెట్టుకోగా ఈ సినిమాతో మళ్లీ మరొక భారీ విజయాన్ని అందుకోవాలని ఆయన అభిమానులు ఆశిస్తున్నారు.
సరిలేరు నీకెవ్వరు సినిమా తో సూపర్ హిట్ అందుకున్న మహేష్ ఈ సినిమాతో కూడా అదే రేంజ్ లో హిట్ దక్కించుకోవాలని వారు భావిస్తున్నారు. ఇప్పటికే ఈ సినిమా నుంచి విడుదలైన టీజర్ ప్రేక్షకులను విశేషంగా ఆకట్టుకుగా ఈ చిత్రంపై కూడా భారీ అంచనాలు పెంచింది. ఇక పోతే ఈ సినిమాకు సంగీతం తమన్ అందిస్తుండగా ఈ సినిమాకు సంబంధించిన పాటలను విడుదల చేయాలని చిత్ర బృందం సన్నాహాలు చేసుకుంటోంది. వచ్చే వారమే మొదటి పాటను విడుదల చేయాలని చిత్రబృందం భావిస్తోందట.
వరుస సూపర్ హిట్ సాంగ్ లతో ప్రేక్షకులను ఎంతగానో అలరిస్తున్న తమన్ ఈ సినిమా లో సంగీతం మరో లెవెల్ లో ఇచ్చాడని భావిస్తున్నారు. మరి ఇంతమంది భారీ తారాగణంతో చేస్తున్న ఈ సినిమా అభిమానులను ఏ మేరకు ఉందో చూడాలి. సంక్రాంతి కానుకగా ఈ సినిమా విడుదల కాబోతు ఉండగా మహేష్ బాబు ను నెవర్ బిఫోర్ అనే లుక్ లో ఈ చిత్రంలో చూస్తామని గర్వంగా చెబుతున్నారు ఆయన అభిమానులు. పాన్ ఇండియా సినిమా గా తెరకెక్కుతున్న నేపథ్యంలో ఈ సినిమాను వివిధ భాషలలో విడుదల చేసేందుకు చిత్ర బృందం ప్రయత్నాలు చేస్తుంది. మరి తొలిసారి పాన్ ఇండియా సినిమా చేస్తున్న మహేష్ బాబు కి ఏ రేంజ్ హిట్ వస్తుందో.
