తొలిసారిగా పవన్ కు చారిత్రాత్మక సినిమాలో నటించడంతో పవన్ అభిమానులు ఈ సినిమాపై భారీ స్థాయిలో అంచనాలు పెట్టుకోగా ఈ సినిమా కొంత భాగం షూటింగ్ పూర్తిచేసుకుని ఇప్పుడు మళ్ళీ మొదలు పెట్టకపోవడం పవన్ అభిమానులను తీవ్రంగా నిరాశ పరుస్తుంది అని చెప్పాలి. మరొకవైపు ఈ సినిమా ఆర్థిక ఇబ్బందుల్లో ఉందని మళ్లీ మొదలవుతుందో లేదో అన్న అనుమానాలు వ్యక్తం అవుతున్న నేపథ్యంలో తొందరగా ఈ సినిమాకు సంబంధించిన అప్డేట్ ను ఇవ్వాలని చెబుతున్నారు ఆయన అభిమానులు.
ఇక మహేష్ బాబు హీరోగా నటిస్తున్న సర్కారు వారి పాట సినిమా కూడా మిగిలిన షూటింగ్ కంప్లీట్ చేయడం లేదు. మహేష్ బాబు కాలికి శస్త్రచికిత్స కావడంతో ఆగిపోయిన ఈ షూటింగ్ మళ్ళీ మొదలు కాకపోవడంతో ఈ సినిమాను ఎప్పుడు పూర్తి చేస్తారు అన్న ఒత్తిడి నుంచి రోజురోజుకు ఎక్కువైపోతుంది. పరశురాం దర్శకత్వం వహిస్తున్న ఈ సినిమా ఏప్రిల్ లో విడుదల అవుతున్న నేపథ్యంలో ఏప్రిల్ నాటికి పూర్తి చేస్తారా లేదా అన్న అనుమానాలు కూడా ఇప్పుడు ప్రేక్షకులలో ఎక్కువ అవుతున్నాయి. మరోవైపు అందరు పెద్ద హీరోలు తమ సినిమాల షూటింగ్ లను త్వరత్వరగా పూర్తి చేస్తుంటే ఈ ఇద్దరు హీరోలు మాత్రం ఈ సినిమాల విషయంలో మెల్లగా వెళ్లడం వారి అభిమానులను నిరుత్సాహపరుస్తుంది అని చెప్పవచ్చు.
