19 വർഷത്തെ വിവാഹ ജീവിതത്തെ കുറിച്ച് സാജൻ സൂര്യ പറഞ്ഞത് ഇങ്ങനെ! തങ്ങളുടെ വിവാഹത്തെ കുറിച്ചും പത്തൊൻപത് വർഷത്തെ ദാമ്പത്യ ജീവിതത്തെ കുറിച്ചും സാജനും ഭാര്യയും ബിഹൈന്റ് വുഡിന്റെ കളിയല്ല കല്യാണം എന്ന ഷോയിൽ പങ്കെടുത്ത് സംസാരിക്കുകയായിരുന്നു. അമ്മ സാജന് 25 വയസ്സുള്ളപ്പോൾ നിർബന്ധിച്ച് കല്യാണം കഴിപ്പിയ്ക്കുകയായിരുന്നു എന്നാണ് സാജൻ പറഞ്ഞത്. കല്യാണത്തിനുള്ള പ്രായവും പക്വതയും ഒന്നും എനിക്ക് എത്തിയിട്ടുണ്ടായിരുന്നില്ല. ഒട്ടും പക്വതയില്ലാത്ത പ്രായത്തിലാണ് വിവാഹം ചെയ്തത് എന്ന് സാജൻ പറയുന്നു. സീരിയലിൽ സജീവമായി നിൽക്കുമ്പോൾ ചുറ്റിലും നടിമാരൊക്കെയുണ്ട്, അപ്പോൾ മറ്റൊരു വഴിയിലേക്ക് വഴുതിപ്പോകേണ്ട എന്ന് കരുതിയാവും അമ്മ നേരത്തെ വിവാഹം കഴിപ്പിച്ചത്. അച്ഛന്റെ അസുഖവും മരണവും എല്ലാം കഴിഞ്ഞു, എനിക്കൊരു ജോലിയും ആയി.
ആ സമയം വിനീതയ്ക്ക് വയസ്സ് 23 ആയിരുന്നു. ആ പ്രായത്തിനുള്ള പക്വത വിനീത കാണിച്ചിട്ടുണ്ട്. എല്ലാത്തിനും ദേഷ്യം പിടിയ്ക്കുന്ന പൊട്ടി തെറിക്കുന്ന, ഒട്ടും പക്വതയില്ലാത്ത എന്നെ അവൾ മനസ്സിലാക്കുകയും എനിക്കൊരു പക്വത എത്തുന്നത് വരെ അവൾ കാത്ത് നിൽക്കുകയും ചെയ്തു. അല്ലായിരുന്നെങ്കിൽ ആ ബന്ധം അപ്പോഴേ തെറ്റി പിരിഞ്ഞേനെ. എന്നെ സംബന്ധിച്ച് ആൺകുട്ടികൾ 29- 30 വയസ്സിന് ഇടയിൽ മാത്രമേ വിവാഹം ചെയ്യാൻ പാടുള്ളൂ. പെൺകുട്ടികൾക്ക് 24-25 വയസ്സ് വരെ ആവാം. അപ്പോഴാണ് പ്രായവും പക്വതയും എത്തുന്നത്. ജീവിതത്തെ ഒട്ടും സീരിയസ് ആയി കാണാതെ ജീവിതം ആരംഭിച്ചവരാണ് ഞങ്ങൾ. പക്ക ഒരു അറേഞ്ച്ഡ് മാര്യേജ് ആയിരുന്നു ഞങ്ങളുടേത്. ഞാൻ അഭിനയിക്കുന്ന ആളായിരുന്നു എന്നൊന്നും ഭാര്യ വിനീതയ്ക്ക് അറിയില്ലായിരുന്നു. ഒരു നടനാണെന്ന ട്രീറ്റ്‌മെന്റ് ഇപ്പോഴും ഭാര്യയും മക്കളും എനിക്ക് തരാറില്ല.
വളരെ സാധാരണമാണ് ഞങ്ങളുടെ ജീവിതം. ഇപ്പോഴും വളരെ ഷോർട്ട് ടെംപഡ് ആയിട്ടുള്ള ആളാണ് ഞാൻ. വഴക്കിട്ടാൽ എന്റെ ദേഷ്യം മിനിട്ടുകൾ കൊണ്ട് മാറും. വനീത അങ്ങിനെയല്ല. നല്ല ക്ഷമയുണ്ട്. അതുകൊണ്ട് തന്നെ വഴക്കിട്ടാൽ ഇണങ്ങാനും സമയം എടുക്കും. പലപ്പോഴും വഴക്കിന് കാരണം എന്റെ ഭാഗത്ത് നിന്ന് തന്നെ വരുന്ന പാകപ്പിഴകളായിരിക്കുമെന്നും നടൻ പറയുന്നു. കൂടാതെ ജീവിതത്തിൽ ഒരു കല്യാണവും സീരിയലിൽ അൻപതിലേറെ കല്യാണവും കഴിച്ചിട്ടുള്ള ആളാണ് ഞാൻ. അത്തരം അഭിനയ കല്യാണത്തിലൊന്നും ഭാര്യയ്ക്ക് എതിർപ്പില്ല. മാത്രമല്ല, എന്റെ കല്യാണ വസ്ത്രം ഇട്ടുകൊണ്ട് പോലും ഞാൻ അഭിനയിച്ചിട്ടുണ്ട്.
അതിലും വിനീതയ്ക്ക് പ്രശ്‌നമില്ല. ആയിരം പേർക്കുള്ള ഭക്ഷണമാണ് ഞങ്ങൾ കരുതിയിരുന്നത്. ഇന്റസ്ട്രിയിലുള്ള ആളുകളെ ഒന്നും വിളിച്ചിട്ടും ഇല്ല. എന്നാൽ മറ്റ് അഭിനേതാക്കൾ ആരെങ്കിലും വരുമോ എന്ന് കരുതി ആളുകളുടെ തിരക്കായിരുന്നു കല്യാണത്തിന്. രണ്ടായിരം പേരോളം വിവാഹത്തിന് വന്നിരുന്നു. അവസാനം ഭക്ഷണം തികയാത്ത അവസ്ഥ വന്നു കല്യാണ ദിവസം ഭക്ഷണം തികയാതെ പോയതിനെ കുറിച്ചും സാജൻ അഭിമുഖത്തിൽ പറയുന്നുണ്ട്.
Find out more:
click and follow Indiaherald WhatsApp channel